ಶ್ರೀಗುರು ಶಿವಗಣಂಗಳ ಮಧ್ಯದಲ್ಲಿ ಎನಗೆ ಉಪದೇಶಿಸುವಲ್ಲಿ
ಪರಮೇಶ್ವರನ ಪಂಚಮುಖವನೆ
ಪಂಚಕಳಶವಾಗಿ ಮೂರ್ತಿಗೊಳಿಸಿ,
ಗಣಂಗಳು ಸಾಕ್ಷಿಯಾಗಿ ಕರಸ್ಥಲಕ್ಕೆ ಶಿವಲಿಂಗವ ಕೊಟ್ಟು
`ಈ ಲಿಂಗವೆ ಗಂಡ, ನೀನೇ ಹೆಂಡತಿ'ಯೆಂದು ಹೇಳಿ,
ಲಲಾಟದಲ್ಲಿ ವಿಭೂತಿಯ ಪಟ್ಟವ ಕಟ್ಟಿ
ಹಸ್ತದಲ್ಲಿ ಕಂಕಣವ ಕಟ್ಟಿ, ಪಾದೋದಕ ಪ್ರಸಾದವನಿತ್ತು
ಎಂದೆಂದಿಗೂ ಸತಿಪತಿಭಾವ ತಪ್ಪದಿರಲಿಯೆಂದು
ನಿರೂಪಿಸಿದನಯ್ಯ ಶ್ರೀಗುರು.
ಆ ನಿರೂಪವ ಮಹಾಪ್ರಸಾದವೆಂದು ಕೈಕೊಂಡೆನಯ್ಯ.
ಇದು ಕಾರಣ, ಎನ್ನ ಪತಿಯಲ್ಲದೆ ಅನ್ಯವನರಿಯೆನಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Śrīguru śivagaṇaṅgaḷa madhyadalli enage upadēśisuvalli
paramēśvarana pan̄camukhavane
pan̄cakaḷaśavāgi mūrtigoḷisi,
gaṇaṅgaḷu sākṣiyāgi karasthalakke śivaliṅgava koṭṭu
`ī liṅgave gaṇḍa, nīnē heṇḍati'yendu hēḷi,
lalāṭadalli vibhūtiya paṭṭava kaṭṭi
hastadalli kaṅkaṇava kaṭṭi, pādōdaka prasādavanittu
endendigū satipatibhāva tappadiraliyendu
nirūpisidanayya śrīguru.
Ā nirūpava mahāprasādavendu kaikoṇḍenayya.
Idu kāraṇa, enna patiyallade an'yavanariyenayya,
mahāliṅgaguru śivasid'dhēśvara prabhuvē.
