ಪರಶಿವನ ಜ್ಞಾನಚಕ್ಷುವಿನಲ್ಲಿ ಉದಯವಾದ ರುದ್ರಾಕ್ಷೆಯ
ಹಸ್ತ ತೋಳು ಉರ ಕಂಠ ಕರ್ಣ ಮಸ್ತಕದಲ್ಲಿ
ಧರಿಸಿದ ಶಿವಶರಣನೇ ರುದ್ರನು.
ಆ ರುದ್ರಾಕ್ಷೆಯ ಜಪಿಸಿದಾತನೇ ಸದ್ಯೋನ್ಮುಕ್ತನು. ಇದು ಕಾರಣ,
ಅಜ ಹರಿ ಸುರ ಮನು ಮುನೀಶ್ವರರು
ಶ್ರೀವಿಭೂತಿ ರುದ್ರಾಕ್ಷೆಯನೆ ಧರಿಸಿ
ಶಿವಲಿಂಗಾರ್ಚನೆಯ ಮಾಡುತ್ತಿಪ್ಪರು;
ಪ್ರಮಥಗಣ ರುದ್ರಗಣ ಮುಖ್ಯವಾದ ಗಣಾಧೀಶ್ವರರು
ವಿಭೂತಿ ರುದ್ರಾಕ್ಷೆಯನೆ ಧರಿಸಿ,
ಪ್ರಣವ ಪಂಚಾಕ್ಷರಿಯನೆ ಜಪಿಸಿ,
ಪ್ರಣವ ಸ್ವರೂಪಿಗಳಾಗುತ್ತಿಪ್ಪರು.
ನೋಡಿದವರು ಮುಟ್ಟಿದವರು ಧರಿಸಿದವರು ಜಪಿಸಿದವರೆಲ್ಲ
ಸಕಲ ಪ್ರಪಂಚವನಳಿದು ಪರಶಿವ ಸ್ವರೂಪರಪ್ಪುದು ತಪ್ಪದು ನೋಡಾ.
ಇದು ಕಾರಣ, ನಾನು ವಿಭೂತಿ ರುದ್ರಾಕ್ಷೆಯನೆ ಧರಿಸಿ,
ಶಿವಲಿಂಗಾರ್ಚನೆಯನೆ ಮಾಡಿ ಪ್ರಣವ ಪಂಚಾಕ್ಷರಿಯನೆ
ಜಪಿಸುತ್ತಿದ್ದೆನಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Paraśivana jñānacakṣuvinalli udayavāda rudrākṣeya
hasta tōḷu ura kaṇṭha karṇa mastakadalli
dharisida śivaśaraṇanē rudranu.
Ā rudrākṣeya japisidātanē sadyōnmuktanu. Idu kāraṇa,
aja hari sura manu munīśvararu
śrīvibhūti rudrākṣeyane dharisi
śivaliṅgārcaneya māḍuttipparu;
pramathagaṇa rudragaṇa mukhyavāda gaṇādhīśvararu
vibhūti rudrākṣeyane dharisi,
Praṇava pan̄cākṣariyane japisi,
praṇava svarūpigaḷāguttipparu.
Nōḍidavaru muṭṭidavaru dharisidavaru japisidavarella
sakala prapan̄cavanaḷidu paraśiva svarūparappudu tappadu nōḍā.
Idu kāraṇa, nānu vibhūti rudrākṣeyane dharisi,
śivaliṅgārcaneyane māḍi praṇava pan̄cākṣariyane
japisuttiddenayya,
mahāliṅgaguru śivasid'dhēśvara prabhuvē.
