ಗುರುಪ್ರಸಾದಕ್ಕೆ ಹೇಸುವರು, ಲಿಂಗಪ್ರಸಾದಕ್ಕೆ ಹೇಸುವರು,
ಜಂಗಮ ಪ್ರಸಾದಕ್ಕೆ ಹೇಸುವರು, ಭಕ್ತಪ್ರಸಾದಕ್ಕೆ ಹೇಸುವರು.
ಹೊಲತಿ ಮಾದಿಗಿತ್ತಿ ಬಲ್ಲವಳಾದರೆ,
ಹಲವು ಪರಿಯಲ್ಲಿ ಅವಳೆಂಜಲ ತಿನುತಿಪ್ಪರು ನೋಡಾ ಜಗ.
ಹದಿನೆಂಟು ಜಾತಿಯ ಎಂಜಲ ಹೇಹವಿಲ್ಲದೆ
ತಿಂಬ ಭವಜಾತಿಗಳಿಗೆ
ಪ್ರಸಾದ ದೊರಕೊಂಬುದೆ? ದೊರಕೊಳ್ಳದು.
ಆದೇನುಕಾರಣವೆಂದಡೆ:
ಭವಭವದಲ್ಲಿ ಯೋನಿಚಕ್ರದಲ್ಲಿ ತಿರುಗುತ್ತಿಪ್ಪರಾಗಿ.
ಈ ಅಶುದ್ಧಜೀವಗಳಿಗೆ ಶುದ್ಧವಹ ಶಿವಪ್ರಸಾದದಲ್ಲಿ
ಸಂಬಂಧ ಸಮನಿಸದು ನೋಡಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Guruprasādakke hēsuvaru, liṅgaprasādakke hēsuvaru,
jaṅgama prasādakke hēsuvaru, bhaktaprasādakke hēsuvaru.
Holati mādigitti ballavaḷādare,
halavu pariyalli avaḷen̄jala tinutipparu nōḍā jaga.
Hadineṇṭu jātiya en̄jala hēhavillade
timba bhavajātigaḷige
prasāda dorakombude? Dorakoḷḷadu.
Ādēnukāraṇavendaḍe:
Bhavabhavadalli yōnicakradalli tiruguttipparāgi.
Ī aśud'dhajīvagaḷige śud'dhavaha śivaprasādadalli
sambandha samanisadu nōḍā,
mahāliṅgaguru śivasid'dhēśvara prabhuvē.
