ಸಕಲ ಗುರು, ಸಕಲ ನಿಃಕಲ ಜಂಗಮ, ನಿಃಕಲ ಲಿಂಗ
ಇಂತೀ ತ್ರಿವಿಧಲಿಂಗಕ್ಕೆ ಮಾಡುವ ಭಕ್ತಿಯ ಕ್ರಮವೆಂತೆಂದೆಡೆ:
ಲಿಂಗವು ಜಂಗಮವು ಗುರುವಿನಲ್ಲಿ ಉಂಟೆಂದು
ತನು ಮನ ಧನವ ಸವೆದು ಮಾಡುವುದು ಗುರುಭಕ್ತಿ.
ಗುರುವು ಜಂಗಮವು ಲಿಂಗದಲ್ಲಿ ಉಂಟೆಂದು
ಮನ ಧನ ತನು ಮುಟ್ಟಿ ಮಾಡುವುದು ಲಿಂಗಭಕ್ತಿ.
ಗುರುವು ಲಿಂಗವು ಜಂಗಮದಲ್ಲಿ ಉಂಟೆಂದು
ಧನ ಮನ ತನುವ ಸವೆದು ಮಾಡುವುದು ಜಂಗಮಭಕ್ತಿ.
ಈ ತ್ರಿವಿಧಲಿಂಗಕ್ಕೆ ತ್ರಿವಿಧ ಪ್ರಕಾರದಲ್ಲಿ
ಮಾಡಿ ಕೂಡಿ ವಿರಾಜಿಸುವಾತನೆ ಶಿವಭಕ್ತನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Sakala guru, sakala niḥkala jaṅgama, niḥkala liṅga
intī trividhaliṅgakke māḍuva bhaktiya kramaventendeḍe:
Liṅgavu jaṅgamavu guruvinalli uṇṭendu
tanu mana dhanava savedu māḍuvudu gurubhakti.
Guruvu jaṅgamavu liṅgadalli uṇṭendu
mana dhana tanu muṭṭi māḍuvudu liṅgabhakti.
Guruvu liṅgavu jaṅgamadalli uṇṭendu
dhana mana tanuva savedu māḍuvudu jaṅgamabhakti.
Ī trividhaliṅgakke trividha prakāradalli
māḍi kūḍi virājisuvātane śivabhaktanu kāṇā,
mahāliṅgaguru śivasid'dhēśvara prabhuvē.
