ಇಷ್ಟಲಿಂಗ ಪ್ರಾಣಲಿಂಗವೆನುತಿಪ್ಪರು.
ಇಷ್ಟಲಿಂಗ ಪ್ರಾಣಲಿಂಗದ ಸುದ್ಧಿಯನಾರುಬಲ್ಲರಯ್ಯ?
ಇಷ್ಟಲಿಂಗವನರಿದರೆ ಅನಿಷ್ಟ ಪರಿಹಾರವಾಗಿರಬೇಕು ನೋಡಾ.
ಪ್ರಾಣಲಿಂಗವನರಿದರೆ ಪ್ರಪಂಚು ನಾಸ್ತಿಯಾಗಿರಬೇಕು ನೋಡಾ.
ಇಷ್ಟವು ಪ್ರಾಣವು ಒಂದೆಯೆಂದರಿದು ಒಡವೆರಸಿದ ಬಳಿಕ
ಜಾಗ್ರ ಸ್ವಪ್ನ ಸುಷುಪ್ತಿಯೆಂಬ ತ್ರಿವಿಧಾವಸ್ಥೆಯಲ್ಲಿ
ಲಿಂಗವಲ್ಲದೆ ಮತ್ತೇನು ತೋರಲಾಗದು ನೋಡಾ.
ಆ ಮಹಾತ್ಮನು ಸರ್ವಾಂಗ ಪ್ರಾಣಲಿಂಗಮೂರ್ತಿ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Iṣṭaliṅga prāṇaliṅgavenutipparu.
Iṣṭaliṅga prāṇaliṅgada sud'dhiyanāruballarayya?
Iṣṭaliṅgavanaridare aniṣṭa parihāravāgirabēku nōḍā.
Prāṇaliṅgavanaridare prapan̄cu nāstiyāgirabēku nōḍā.
Iṣṭavu prāṇavu ondeyendaridu oḍaverasida baḷika
jāgra svapna suṣuptiyemba trividhāvastheyalli
liṅgavallade mattēnu tōralāgadu nōḍā.
Ā mahātmanu sarvāṅga prāṇaliṅgamūrti kāṇā,
mahāliṅgaguru śivasid'dhēśvara prabhuvē.
