ಹಾರುವ ಹಕ್ಕಿಗೆ ಗರಿಯಿಲ್ಲ ನೋಡಾ.
ಊರೊಳಗಿಪ್ಪ ಕಪಿಗೆ ತಲೆಯಿಲ್ಲ ನೋಡಾ.
ಹಾರುವ ಹಕ್ಕಿಗೆ ಗರಿ ಬಂದು,
ಊರೊಳಗಿಪ್ಪ ಕಪಿಗೆ ತಲೆ ಬಂದಲ್ಲದೆ
ತಾನಾರೆಂಬುದನರಿಯಬಾರದು.
ತನ್ನಾದಿಯ ಶಿವತತ್ವವ ಭೇದಿಸಲರಿಯದೆ,
ವೇದಾಗಮ ಮುಖದಿಂದ ನಿಮ್ಮನರಿದೆನೆಂಬ
ಆಜ್ಞಾನಿಗಳನೇನೆಂಬೆನಯ್ಯ?
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Hāruva hakkige gariyilla nōḍā.
Ūroḷagippa kapige taleyilla nōḍā.
Hāruva hakkige gari bandu,
ūroḷagippa kapige tale bandallade
tānārembudanariyabāradu.
Tannādiya śivatatvava bhēdisalariyade,
vēdāgama mukhadinda nim'manaridenemba
ājñānigaḷanēnembenayya?
Mahāliṅgaguru śivasid'dhēśvara prabhuvē.
