ಹಾವಿನೊಳಗಣ ಸಂಗ ಆವಾಗಲೆಂದರಿಯಬಾರದಯ್ಯ.
ಕಿಚ್ಚಿನೊಳಗಣ ಸಂಗ ಸುಟ್ಟು ಭಸ್ಮವ ಮಾಡುವದಯ್ಯ.
ಲಿಂಗದೃಷ್ಟಿ ತಪ್ಪಿ, ಅಂಗನೆಯರ ನೋಟ ಬೇಟ
ಕಂಗಳ ಕೆಡಿಸಿ ಭಂಗಿತರ ಮಾಡುವುದಯ್ಯ.
ಪರಸ್ತ್ರೀಯರ ಕೂಟ ಪಂಚಮಹಾಪಾತಕದಲ್ಲಿಕ್ಕುವುದಯ್ಯ.
ಧರೆಯೊಳಕೊಳ್ಳದು; ಹಿರಿಯರು ಮಚ್ಚರು.
ಹಿರಿಯರು ಮಚ್ಚರಾಗಿ ಶಿವ ಮುನ್ನವೆ ಮಚ್ಚನು.
ನಾಯಕನರಕ ತಪ್ಪದಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Hāvinoḷagaṇa saṅga āvāgalendariyabāradayya.
Kiccinoḷagaṇa saṅga suṭṭu bhasmava māḍuvadayya.
Liṅgadr̥ṣṭi tappi, aṅganeyara nōṭa bēṭa
kaṅgaḷa keḍisi bhaṅgitara māḍuvudayya.
Parastrīyara kūṭa pan̄camahāpātakadallikkuvudayya.
Dhareyoḷakoḷḷadu; hiriyaru maccaru.
Hiriyaru maccarāgi śiva munnave maccanu.
Nāyakanaraka tappadayya,
mahāliṅgaguru śivasid'dhēśvara prabhuvē.
