ಕರಿಯ ಕಾಮಿನಿಯ ಉದರದಲ್ಲಿ ಧರೆ ಈರೇಳಿಪ್ಪವು ನೋಡಾ.
ಹರಿ ಹತ್ತನು ಹೊತ್ತು ನಡೆವುತ್ತಿಪ್ಪಳು ನೋಡಾ.
ಆಕೆಯ ಶಿರದಲ್ಲಿ ಸಿಂಹ, ಹೃದಯದಲ್ಲಿ ಕರಿ,
ಸರ್ವಾಂಗದಲ್ಲಿ ಭಲ್ಲೂಕ ನೋಡಾ.
ಶಿರದಲ್ಲಿ ಶಿವಕಳೆ, ಹೃದಯದಲ್ಲಿ ಪರಮಕಳೆ,
ಸರ್ವಾಂಗದಲ್ಲಿ ಸರ್ವಜ್ಞಾನವರ್ಮಕಳೆ ಉದಯವಾಗಲು
ಶಿರದ ಸಿಂಹ ಸತ್ತು, ಹೃದಯದ ಕರಿಯಳಿದು
ಸರ್ವಾಂಗದಲ್ಲಿ ತೊಡರಿದ ಭಲ್ಲೂಕ ಬಿಟ್ಟು
ಸರ್ವಜ್ಞ ನಿನಗೆ ನಾನು ಭಕ್ತನಾದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Kariya kāminiya udaradalli dhare īrēḷippavu nōḍā.
Hari hattanu hottu naḍevuttippaḷu nōḍā.
Ākeya śiradalli sinha, hr̥dayadalli kari,
sarvāṅgadalli bhallūka nōḍā.
Śiradalli śivakaḷe, hr̥dayadalli paramakaḷe,
sarvāṅgadalli sarvajñānavarmakaḷe udayavāgalu
śirada sinha sattu, hr̥dayada kariyaḷidu
sarvāṅgadalli toḍarida bhallūka biṭṭu
sarvajña ninage nānu bhaktanādenu kāṇā,
mahāliṅgaguru śivasid'dhēśvara prabhuvē.
