ಬ್ರಹ್ಮ ವಿಷ್ಣುಪದವೆಂಬುವು ಒಂದು ತೃಣ ನೋಡಾ,
ನಿಮ್ಮ ಮಾಹೇಶ್ವರಂಗೆ.
ಇಂದ್ರಾದಿ ದಿಕ್ಪಾಲಕರ ಭೋಗ ಒಂದು ತೃಣ ನೋಡಾ,
ನಿಮ್ಮ ಮಾಹೇಶ್ವರಂಗೆ,
ತ್ರಿಭುವನಸಂಪದ ಒಂದು ಕಿಂಚಿತ್ತು ನೋಡಾ,
ನಿಮ್ಮ ಮಾಹೇಶ್ವರಂಗೆ.
ದೀಕ್ಷೆಯೆಂಬುವುದಿಲ್ಲ ನೋಡಾ, ದಿವ್ಯಜ್ಞಾನಿ ತಾನಾಗಿ.
ಶಿಕ್ಷೆಯೆಂಬುವುದಿಲ್ಲ ನೋಡಾ,
ವಿಷಯಂಗಳು ತನ್ನ ವಶಗತವಾದವಾಗಿ.
ಮೋಕ್ಷವೆಂಬುವುದಿಲ್ಲ ನೋಡಾ, ನಿತ್ಯ ಮುಕ್ತ ತಾನಾಗಿ.
ಮಾಯಾ ಮೋಹ ರಹಿತ ನಿಮ್ಮ ನೆನಹೆ ಪ್ರಾಣವಾಗಿ
ನಾನು ಮಾಹೇಶ್ವರನಾದುದ ಏನ ಹೇಳುವೆನಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Brahma viṣṇupadavembuvu ondu tr̥ṇa nōḍā,
nim'ma māhēśvaraṅge.
Indrādi dikpālakara bhōga ondu tr̥ṇa nōḍā,
nim'ma māhēśvaraṅge,
tribhuvanasampada ondu kin̄cittu nōḍā,
nim'ma māhēśvaraṅge.
Dīkṣeyembuvudilla nōḍā, divyajñāni tānāgi.
Śikṣeyembuvudilla nōḍā,
viṣayaṅgaḷu tanna vaśagatavādavāgi.
Mōkṣavembuvudilla nōḍā, nitya mukta tānāgi.
Māyā mōha rahita nim'ma nenahe prāṇavāgi
nānu māhēśvaranāduda ēna hēḷuvenayya,
mahāliṅgaguru śivasid'dhēśvara prabhuvē.
