ಊರೊಳಗೆ ಆರುಮಂಟಪವ ಕಂಡೆನು.
ಐವತ್ತೆರಡು ಎಸಳಿಂದ ರಚಿಸುತ್ತಿಪ್ಪುದಯ್ಯ.
ಎಸಳೆಸಳು ತಪ್ಪದೆ ಅಕ್ಷರ ಲಿಪಿಯನೇ ಕಂಡು
ಅಕ್ಷರ ಲಿಪಿಯ ಹೆಸರ ಕಲ್ಪಿತ ಲಿಪಿಯನೇ ತೊಡೆದು
ನಿರ್ವಿಕಲ್ಪ ನಿತ್ಯಾತ್ಮಕನಾದೆನಯ್ಯ.
ಆರು ಮಂಟಪವನಳಿದುಮೂರು ಕೋಣೆಯ ಕೆಡಿಸಿ
ಸಾವಿರೆಸಳ ಮಂಟಪವ ಹೊಗಲಾಗಿ
ಸಾವು ತಪ್ಪುವುದೆಂಬೆನಯ್ಯಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ūroḷage ārumaṇṭapava kaṇḍenu.
Aivatteraḍu esaḷinda racisuttippudayya.
Esaḷesaḷu tappade akṣara lipiyanē kaṇḍu
akṣara lipiya hesara kalpita lipiyanē toḍedu
nirvikalpa nityātmakanādenayya.
Āru maṇṭapavanaḷidumūru kōṇeya keḍisi
sāviresaḷa maṇṭapava hogalāgi
sāvu tappuvudembenayyā,
mahāliṅgaguru śivasid'dhēśvara prabhuvē.
