ಸದ್ಯೋಜಾತ ವಾಮದೇವ
ಅಘೋರ ತತ್ಪುರುಷ ಈಶಾನ್ಯವೆಂಬ
ಐವರನೆತ್ತಿ ನುಂಗಿದ ಅವಿರಳ ಪರಬ್ರಹ್ಮ ನೋಡಾ.
ಆ ಪರಬ್ರಹ್ಮವ ನುಂಗಿದನು ನಿರವಯ.
ನಿರವಯವ ನುಂಗಿದ ನಿರಾಳ.
ನಿರಾಳವ ನುಂಗಿದ ನಿತ್ಯ ನಿರಂಜನ ಪರವಸ್ತು ನೋಡಾ.
ಇವರೆಲ್ಲರ ನುಂಗಿದ ಪರವಸ್ತು ಎನ್ನ ನುಂಗಿತ್ತಾಗಿ,
ಆ ಪರವಸ್ತುವ ನಾನು ನುಂಗಿದೆನಾಗಿ,
ನಿಃಶಬ್ದಮಯವಾಯಿತ್ತು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Sadyōjāta vāmadēva
aghōra tatpuruṣa īśān'yavemba
aivaranetti nuṅgida aviraḷa parabrahma nōḍā.
Ā parabrahmava nuṅgidanu niravaya.
Niravayava nuṅgida nirāḷa.
Nirāḷava nuṅgida nitya niran̄jana paravastu nōḍā.
Ivarellara nuṅgida paravastu enna nuṅgittāgi,
ā paravastuva nānu nuṅgidenāgi,
niḥśabdamayavāyittu kāṇā,
mahāliṅgaguru śivasid'dhēśvara prabhuvē.
