ತನುವಿನೊಳಗೆ ಲಿಂಗ, ಲಿಂಗದೊಳಗೆ ತನು.
ಮನದೊಳಗೆ ಲಿಂಗ, ಲಿಂಗದೊಳಗೆ ಮನ.
ಭಾವದೊಳಗೆ ಲಿಂಗ, ಲಿಂಗದೊಳಗೆ ಭಾವ.
ಪ್ರಾಣದೊಳಗೆ ಲಿಂಗ, ಲಿಂಗದೊಳಗೆ ಪ್ರಾಣವಾಗಿರ್ದು,
ಬೇರಿಟ್ಟು ನುಡಿವ ಭಿನ್ನಜ್ಞಾನಿಗಳಿಗೆ ಲಿಂಗವೆಲ್ಲಿಯದೊ?
ಲಿಂಗವಿಲ್ಲವಾಗಿ ಪ್ರಸಾದವಿಲ್ಲ;
ಪ್ರಸಾದವಿಲ್ಲವಾಗಿ ಮುಕ್ತಿಯಿಲ್ಲ ನೋಡಾ.
ಇದು ಕಾರಣ.
ಭಿನ್ನಾಭಿನ್ನವನಳಿದು ನಿನ್ನೊಳಗಡಗಿದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Tanuvinoḷage liṅga, liṅgadoḷage tanu.
Manadoḷage liṅga, liṅgadoḷage mana.
Bhāvadoḷage liṅga, liṅgadoḷage bhāva.
Prāṇadoḷage liṅga, liṅgadoḷage prāṇavāgirdu,
bēriṭṭu nuḍiva bhinnajñānigaḷige liṅgavelliyado?
Liṅgavillavāgi prasādavilla;
prasādavillavāgi muktiyilla nōḍā.
Idu kāraṇa.
Bhinnābhinnavanaḷidu ninnoḷagaḍagidenu kāṇā,
mahāliṅgaguru śivasid'dhēśvara prabhuvē.
