ಕ್ರಿಯಾಸ್ವರೂಪವೇ ಲಿಂಗವೆಂದು,
ಜ್ಞಾನಸ್ವರೂಪವೇ ಜಂಗಮವೆಂದು,
ಜ್ಞಾನಸ್ವರೂಪವಪ್ಪ ಜಂಗಮದ ಪ್ರಸನ್ನೇತಿ ಪ್ರಸಾದ
ಲಿಂಗಕ್ಕೆ ಜೀವಕಳೆಯೆಂದೆ.
ಜ್ಯೋತಿ ಕರ್ಪುರವ ನೆರೆದಂತೆ, ಅಂಗ ಲಿಂಗದಲ್ಲಡಗಿತ್ತು.
ದೀಪ ದೀಪವ ಬೆರಸಿದಂತೆ ಪ್ರಾಣ ಜಂಗಮದಲ್ಲಿ ಅಡಗಿತ್ತು.
ಈ ಕ್ರಿಯಾ ಜ್ಞಾನ ಭಾವ ನಿರವಯವಾದವಾಗಿ
ಲಿಂಗವೆನ್ನೆ, ಜಂಗಮವೆನ್ನೆ ಪ್ರಸಾದವೆನ್ನೆ
ಇದುಕಾರಣ,
ಕೊಟ್ಟೆನೆಂಬುದೂ ಇಲ್ಲ, ಕೊಂಡೆನೆಂಬುದೂ ಇಲ್ಲ.
ಕೊಡುವುದು ಕೊಂಬುದು ಎರಡೂ ನಿರ್ಲೇಪವಾದ ಬಳಿಕ
ನಾನೆಂಬುದೂ ನೀನೆಂಬುದೂ,
ಏನು ಏನುಯೆಂಬೂದಕ್ಕೆ ತೆರಹಿಲ್ಲದೆ,
ಪರಿಪೂರ್ಣ ಸರ್ವಮಯನಾದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Kriyāsvarūpavē liṅgavendu,
jñānasvarūpavē jaṅgamavendu,
jñānasvarūpavappa jaṅgamada prasannēti prasāda
liṅgakke jīvakaḷeyende.
Jyōti karpurava neredante, aṅga liṅgadallaḍagittu.
Dīpa dīpava berasidante prāṇa jaṅgamadalli aḍagittu.
Ī kriyā jñāna bhāva niravayavādavāgi
liṅgavenne, jaṅgamavenne prasādavenne
idukāraṇa,
Koṭṭenembudū illa, koṇḍenembudū illa.
Koḍuvudu kombudu eraḍū nirlēpavāda baḷika
nānembudū nīnembudū,
ēnu ēnuyembūdakke terahillade,
paripūrṇa sarvamayanādenu kāṇā,
mahāliṅgaguru śivasid'dhēśvara prabhuvē.
