ಮೂರುಲೋಕದ ಮೋಹಿನಿ
ಆರುಲೋಕದ ಅಂಗನೆಯರ ಸಂಗವ ಮಾಡಿ,
ಮೂರುಲೋಕದ ಮೋಹವ ಮರೆದು
ತಾ ಸತ್ತಳು ನೋಡಾ.
ಮೂರುಲೋಕದ ಮೋಹಿನಿ ಸತ್ತುದ ಕಂಡು,
ಆರುಲೋಕದ ಅಂಗನೆಯರು,
ನಾವೀ ಲೋಕದಲ್ಲಿರಲಾಗದೆಂದು ಮೀರಿದ ಲೋಕಕ್ಕೆ ಹೋಗಿ,
ಆರೂಢನ ನೋಡುತ್ತ ನೋಡುತ್ತ ಆರೂರವರೂ ಸತ್ತರು.
ಇದು ಮೀರಿದ ಲಿಂಗೈಕ್ಯ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Mūrulōkada mōhini
ārulōkada aṅganeyara saṅgava māḍi,
mūrulōkada mōhava maredu
tā sattaḷu nōḍā.
Mūrulōkada mōhini sattuda kaṇḍu,
ārulōkada aṅganeyaru,
nāvī lōkadalliralāgadendu mīrida lōkakke hōgi,
ārūḍhana nōḍutta nōḍutta ārūravarū sattaru.
Idu mīrida liṅgaikya kāṇā,
mahāliṅgaguru śivasid'dhēśvara prabhuvē.
