ಆಚಾರದಿಂದ ವಿಚಾರಿಸಿ ದೀಕ್ಷೆಯ ಮಾಡುವುದು ಗುರುಸ್ಥಲ.
ವಿಚಾರ ಸರ್ವಗಣಾಚಾರದಿಂದ ದೀಕ್ಷೆಯ ಮಾಡುವುದು ಜಂಗಮಸ್ಥಲ.
ಈ ಉಭಯದ ಗೊತ್ತ ಮುಟ್ಟಿ, ನಿಶ್ಚಯ ನಿಜವ ಮುಟ್ಟಿ
ಪಂಚವಿಂಶತಿತತ್ವಂಗಳಲ್ಲಿ ಷಟ್ಕರ್ಮ ತ್ರಿವಿಧಾತ್ಮ ಭೇದಂಗಳಲ್ಲಿ
ಏಕೋತ್ತರಶತಸ್ಥಲವೆಂಬ ಭಿನ್ನಭಾವಂಗಳನರಿದು
ಐವತ್ತೊಂದಕ್ಷರದ ಬೀಜನೇಮವನೊಂದಕ್ಷರದಲೈಕ್ಯವನರಿತು
ಇಂತೀ ಐವತ್ತೆರಡು ಗುರುಲಘು ಗಣನೇಮ ಬಿಂದು ವಿಸರ್ಗ ಶಾಖೆ
ಮುಂತಾದವನೊಂದುಗೂಡಿ ನಿರುತದಿಂದ ನಿಂದುದು ಜ್ಞಾನದೀಕ್ಷೆ.
ಇಂತೀ ಗುರುಸ್ಥಲದ ವಿವರ
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗದಲ್ಲಿ.
Transliteration Ācāradinda vicārisi dīkṣeya māḍuvudu gurusthala.
Vicāra sarvagaṇācāradinda dīkṣeya māḍuvudu jaṅgamasthala.
Ī ubhayada gotta muṭṭi, niścaya nijava muṭṭi
pan̄cavinśatitatvaṅgaḷalli ṣaṭkarma trividhātma bhēdaṅgaḷalli
ēkōttaraśatasthalavemba bhinnabhāvaṅgaḷanaridu
aivattondakṣarada bījanēmavanondakṣaradalaikyavanaritu
intī aivatteraḍu gurulaghu gaṇanēma bindu visarga śākhe
muntādavanondugūḍi nirutadinda nindudu jñānadīkṣe.
Intī gurusthalada vivara
cannabasavaṇṇapriya bhōgamallikārjunaliṅgadalli.
