ಶೈವವಾರು, ವೀರಶೈವ ಮೂರು, ಗುರುಸ್ಥಲವೈದು,
ಆಚಾರ್ಯನಂಗ ನಾಲ್ಕು, ಆಚಾರಕ್ಕೆ ಅಂಗವಾರು.
ಆತ್ಮಂಗೆ ಅರಿವು ಮೂರು.
ಮತ್ತಿವರೊಳಗಾದ ಷಡ್ದರುಶನಭೇದ.
ಆಚರಣೆ ಆಶ್ರಯಂಗಳು ವಿಶ್ವತೋಮುಖವಾಗಿಹವು.
ಚೀರದ ಬಾಯಿದಾರದಂತೆ ಕಟ್ಟುವುದು ಒಂದೆ ಭೇದ,
ಬಿಡುವುದು ಒಂದೆ ಭೇದ.
ಇಂತೀ ಸ್ಥಳಕುಳಂಗಳಲ್ಲಿ ಭೇದಂಗಳನರಿವುದು ಆಚಾರ್ಯನಿರವು.
ಚನ್ನಬಸವಣ್ಣಪ್ರಿಯ ಭೋಗಮಲ್ಲಿಕಾರ್ಜುನಲಿಂಗ ವಿಭೇದವಾದಭೇದ.
Transliteration Śaivavāru, vīraśaiva mūru, gurusthalavaidu,
ācāryanaṅga nālku, ācārakke aṅgavāru.
Ātmaṅge arivu mūru.
Mattivaroḷagāda ṣaḍdaruśanabhēda.
Ācaraṇe āśrayaṅgaḷu viśvatōmukhavāgihavu.
Cīrada bāyidāradante kaṭṭuvudu onde bhēda,
biḍuvudu onde bhēda.
Intī sthaḷakuḷaṅgaḷalli bhēdaṅgaḷanarivudu ācāryaniravu.
Cannabasavaṇṇapriya bhōgamallikārjunaliṅga vibhēdavādabhēda.
