ಏನು ಏನೂ ಎನಲಿಲ್ಲದ ಮಹಾಘನ ಚಿತ್ಕಲಾಪ್ರಣವದ
ನೆನಹುಮಾತ್ರದಲ್ಲಿ ಅನಾದಿಪ್ರಣವದ ಉತ್ಪತ್ಯವಾಯಿತ್ತು.
ಆ ಅನಾದಿಪ್ರಣವಸ್ಥಲದ ವಚನವೆಂತೆಂದಡೆ:
ಆದಿ ಅಕಾರ ಆದಿ ಉಕಾರ ಆದಿ ಮಕಾರವೆಂಬ
ಆದಿ ಅಕ್ಷರತ್ರಯಂಗಳಿಲ್ಲದಂದು.
ಆದಿ ನಾದ ಆದಿ ಬಿಂದು ಆದಿ ಕಲೆಗಳೆಂಬ
ಭಿನ್ನನಾಮ ತಲೆದೋರದಂದು,
ಆದಿ ಪ್ರಕೃತಿ ಆದಿ ಪ್ರಾಣವಿಲ್ಲದಂದು,
ಅಖಂಡ ಜ್ಯೋತಿರ್ಮಯವಾಗಿಹ ಗೋಳಕಾಕಾರಪ್ರಣವ
ಜ್ಯೋತಿರ್ಲಿಂಗವಿಲ್ಲದಂದು,
ಓಂಕಾರವೆಂಬ ಅನಾದಿಪ್ರಣವವಾಗಿದ್ದನು ನೋಡಾ ಇಲ್ಲದಂತೆ,
ನಮ್ಮ ಅಪ್ರಮಾಣಕೂಡಸಂಗಮದೇವನು
Transliteration Ēnu ēnū enalillada mahāghana citkalāpraṇavada
nenahumātradalli anādipraṇavada utpatyavāyittu.
Ā anādipraṇavasthalada vacanaventendaḍe:
Ādi akāra ādi ukāra ādi makāravemba
ādi akṣaratrayaṅgaḷilladandu.
Ādi nāda ādi bindu ādi kalegaḷemba
bhinnanāma taledōradandu,
ādi prakr̥ti ādi prāṇavilladandu,
akhaṇḍa jyōtirmayavāgiha gōḷakākārapraṇava
jyōtirliṅgavilladandu,
ōṅkāravemba anādipraṇavavāgiddanu nōḍā illadante,
nam'ma apramāṇakūḍasaṅgamadēvanu
