•  
  •  
  •  
  •  
Index   ವಚನ - 451    Search  
 
ಇನ್ನು ಅತಿಸೂಕ್ಷ್ಮಪಂಚಾಕ್ಷರದ ಕಾಂತಿ, ಅತಿಸೂಕ್ಷ್ಮಪಂಚಾಕ್ಷರದ ನೆಲೆ, ಚಿದಾತ್ಮ-ಪರಮಾತ್ಮನ ಕಾಂತಿ, ಚಿದಾತ್ಮ-ಪರಮಾತ್ಮನ ನೆಲೆ ಅದೆಂತೆಂದಡೆ: ಅಖಂಡ ಜ್ಯೋತಿರ್ಮಯವಾಗಿಹ ಆ ಪ್ರಣವದ ತಾರಕಸ್ವರೂಪದಲ್ಲಿ, ಅರುವತ್ತುನೂರುಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ನಕಾರವಿಹುದು ನೋಡಾ. ಆ ಪ್ರಣವದ ದಂಡಕಸ್ವರೂಪದಲ್ಲಿ ಎಪ್ಪತ್ತುನೂರುಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ಮಕಾರವಿಹುದು ನೋಡಾ. ಆ ಪ್ರಣವದ ಕುಂಡಲಾಕಾರದಲ್ಲಿ ಎಂಬತ್ತುನೂರುಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ಶಿಕಾರವಿಹುದು ನೋಡಾ. ಆ ಪ್ರಣವದ ಅರ್ಧಚಂದ್ರಕದಲ್ಲಿ ತೊಂಬತ್ತುನೂರುಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ವಕಾರವಿಹುದು ನೋಡಾ. ಆ ಪ್ರಣವದ ದರ್ಪಣಾಕಾರದಲ್ಲಿ ಸಾವಿರನೂರುಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ಯಕಾರವಿಹುದು ನೋಡಾ. ಆ ಪ್ರಣವದ ಜ್ಯೋತಿಸ್ವರೂಪದಲ್ಲಿ ಅನೇಕಕೋಟಿ ಸಿಡಿಲೊಡೆದ ಬಯಲಪ್ರಕಾಶವಾಗಿ ಚಿದಾತ್ಮ-ಪರಮಾತ್ಮರಿಹರು ನೋಡಾ. ಅಪ್ರಮಾಣಕೂಡಲಸಂಗಮದೇವಾ.
Transliteration Innu atisūkṣmapan̄cākṣarada kānti, atisūkṣmapan̄cākṣarada nele, cidātma-paramātmana kānti, cidātma-paramātmana nele adentendaḍe: Akhaṇḍa jyōtirmayavāgiha ā praṇavada tārakasvarūpadalli, aruvattunūrukōṭi siḍiloḍeda bayalaprakāśavāgi nakāravihudu nōḍā. Ā praṇavada daṇḍakasvarūpadalli eppattunūrukōṭi siḍiloḍeda bayalaprakāśavāgi makāravihudu nōḍā. Ā praṇavada kuṇḍalākāradalli embattunūrukōṭi siḍiloḍeda bayalaprakāśavāgi Śikāravihudu nōḍā. Ā praṇavada ardhacandrakadalli tombattunūrukōṭi siḍiloḍeda bayalaprakāśavāgi vakāravihudu nōḍā. Ā praṇavada darpaṇākāradalli sāviranūrukōṭi siḍiloḍeda bayalaprakāśavāgi yakāravihudu nōḍā. Ā praṇavada jyōtisvarūpadalli anēkakōṭi siḍiloḍeda bayalaprakāśavāgi cidātma-paramātmariharu nōḍā. Apramāṇakūḍalasaṅgamadēvā.