•  
  •  
  •  
  •  
Index   ವಚನ - 494    Search  
 
ಅಲ್ಲಿಂದ ಮೇಲೆ ನಾಭಿಸ್ಥಾನದಲ್ಲಿ ಮಣಿಪೂರಕಚಕ್ರ, ಅಗ್ನಿಯೆಂಬ ಮಹಾಭೂತ. ಆ ಚಕ್ರ ತ್ರಿಕೋಣಾಕಾರ, ದಶದಳಪದ್ಮ. ಆ ಪದ್ಮ ಕೃಷ್ಣವರ್ಣ, ಅಲ್ಲಿಯ ಅಕ್ಷರ ಡಢಣ ತಥದಧನ ಪಫ ಎಂಬ ದಶಾಕ್ಷರ ನ್ಯಾಸವಾಗಿಹುದು. ಅಲ್ಲಿ ರಕ್ತವರ್ಣವಾಗಿಹ ಅಘೋರಮುಖವನುಳ್ಳ ಶಿವಲಿಂಗ; ಆ ಲಿಂಗಕ್ಕೆ ವಿದ್ಯೆ ಕಲೆ, ಅಲ್ಲಿ ಮೂರ್ತಿಸಾದಾಖ್ಯ. ಅಲ್ಲಿಯ ದಿಕ್ಕು ದಕ್ಷಿಣದಿಕ್ಕು, ಅಲ್ಲಿಯ ನಾದ ಘಂಟಾನಾದ. ಲಾಕಿನಿಯೆಂಬ ಪರಿಯಾಯ ನಾಮವನುಳ್ಳ ಇಚ್ಛಾಶಕ್ತಿ ಆ ಲಿಂಗದ ನೇತ್ರವೆಂಬ ಮುಖಕ್ಕೆ ನಿರಹಂಕಾರವೆಂಬ ಹಸ್ತದಿಂದ ಅವಧಾನಭಕ್ತಿಯಿಂದ ರೂಪುದ್ರವ್ಯವನು ಸಾಮವೇದವನುಚ್ಚರಿಸುತ್ತ ಅರ್ಪಿಸುವಳು. ರುದ್ರ ಪೂಜಾರಿ, ಅಲ್ಲಿ ಶರೀರವೆಂಬ ಸಂಜ್ಞೆ. ಇಂತಿವೆಲ್ಲಕ್ಕೂ ಮಾತೃಸ್ಥಾನವಾಗಿಹುದು ಶಿಕಾರವೆಂಬ ಬೀಜಾಕ್ಷರ. ಅದು ಪ್ರಣವದ ಕುಂಡಲಾಕಾರದಲ್ಲಿಹ ಶಿಕಾರದಲ್ಲಿಹುದಾಗಿ, ಆ ಈ ಊ ಏ ಓ ಶಿಂ ಎಂಬ ಬ್ರಹ್ಮನಾದ ಮಂತ್ರಮೂರ್ತಿಪ್ರಣವದ ಶಿರೋಮಧ್ಯದಲ್ಲಿಹ ಗುಹ್ಯನಾದಮಂತ್ರಮೂರ್ತಿಪ್ರಣವಕ್ಕೆ ನಮಸ್ಕಾರವು ನೋಡಾ. ಇದಕ್ಕೆ ಈಶ್ವರೋsವಾಚ: ಮಣಿಪೂರೇರ್ನಾಭಿಮಧ್ಯೇ ಭೂತಂ ತೇಜಃ ತ್ರಿಕೋಣಯೋಃ | ಪದ್ಮಂ ದಶದಳಂ ಚೈವ ಅಕ್ಷರಂ ಚ ದಶಂ ಸ್ಮೃತಂ | ವರ್ಣಾನಾಂ ಕೃಷ್ಣವರ್ಣಂತು ರುದ್ರೇ ದೇವಸ್ಯ ಲಾಕಿನಿ | ಬೀಜಾಕ್ಷರಂ ಶಿಕಾರಂ ಚ ಘಂಟಾನಾದಂ ತಥೈವಚ | ಶಿವಲಿಂಗಂ ಸ್ಥಿತಂ ಚೈವಂ ತ್ರಯೋಶ್ಚಕ್ರಮಿತಿ ಸ್ಮೃತಂ ||'' ಇಂತೆಂದುದಾಗಿ, ಅಪ್ರಮಾಣಕೂಡಲಸಂಗಮದೇವಾ.
Transliteration Allinda mēle nābhisthānadalli maṇipūrakacakra, agniyemba mahābhūta. Ā cakra trikōṇākāra, daśadaḷapadma. Ā padma kr̥ṣṇavarṇa, alliya akṣara ḍaḍhaṇa tathadadhana papha emba daśākṣara n'yāsavāgihudu. Alli raktavarṇavāgiha aghōramukhavanuḷḷa śivaliṅga; ā liṅgakke vidye kale, alli mūrtisādākhya. Alliya dikku dakṣiṇadikku, alliya nāda ghaṇṭānāda. Lākiniyemba pariyāya nāmavanuḷḷa icchāśakti Ā liṅgada nētravemba mukhakke nirahaṅkāravemba hastadinda avadhānabhaktiyinda rūpudravyavanu sāmavēdavanuccarisutta arpisuvaḷu. Rudra pūjāri, alli śarīravemba san̄jñe. Intivellakkū mātr̥sthānavāgihudu śikāravemba bījākṣara. Adu praṇavada kuṇḍalākāradalliha śikāradallihudāgi, ā ī ū ē ō śiṁ emba brahmanāda mantramūrtipraṇavada śirōmadhyadalliha guhyanādamantramūrtipraṇavakke Namaskāravu nōḍā. Idakke īśvarōsvāca: Maṇipūrērnābhimadhyē bhūtaṁ tējaḥ trikōṇayōḥ | padmaṁ daśadaḷaṁ caiva akṣaraṁ ca daśaṁ smr̥taṁ | varṇānāṁ kr̥ṣṇavarṇantu rudrē dēvasya lākini | bījākṣaraṁ śikāraṁ ca ghaṇṭānādaṁ tathaivaca | śivaliṅgaṁ sthitaṁ caivaṁ trayōścakramiti smr̥taṁ ||'' intendudāgi, apramāṇakūḍalasaṅgamadēvā