ಇನ್ನು ನಿರಂಜನಷಡುಚಕ್ರಂಗಳ ಮೇಲಣ ನಾಲ್ಕು ಚಕ್ರಂಗಳ
ವಿವರವೆಂತೆಂದಡೆ:
ಸ್ವಯಾನಂದಚಕ್ರವೆಂದು, ಸ್ವಯಾನಂದ ಘನಚಕ್ರವೆಂದು,
ಸ್ವಯಾನಂದ ಮಹಾಘನಚಕ್ರವೆಂದು,
ಸ್ವಯಾನಂದ ಮಹಾಘನಾತೀತಚಕ್ರವೆಂದು ಈ ನಾಲ್ಕು ಚಕ್ರಂಗಳು
ಅನಂತಕೋಟಿ ಪದ್ಮವನೊಳಕೊಂಡು ಪದ್ಮವಿಲ್ಲದಿಹುದು.
ಅನಂತಕೋಟಿ ವರ್ಣಗಳನೊಳಕೊಂಡು ವರ್ಣವಿಲ್ಲದಿಹುದು.
ಅನಂತಕೋಟಿ ಅಕ್ಷರಗಳನೊಳಕೊಂಡು ಅಕ್ಷರವಿಲ್ಲದಿಹುದು.
ಅನಂತಕೋಟಿ ಶಕ್ತಿಗಳನೊಳಕೊಂಡು ಶಕ್ತಿಯಿಲ್ಲದಿಹುದು.
ಅನಂತಕೋಟಿ ಅಧಿದೇವತೆಗಳನೊಳಕೊಂಡು ಅಧಿದೇವತೆಯಿಲ್ಲದಿಹುದು.
ಅನಂತಕೋಟಿ ನಾದವನೊಳಕೊಂಡು ನಾದವಿಲ್ಲದಿಹುದು.
ಅನಂತಕೋಟಿ ಬೀಜಾಕ್ಷರವನೊಳಕೊಂಡು ಬೀಜವಿಲ್ಲದೆ ಬೆಳಗುತ್ತಿಹುದು.
ಆ ಚಕ್ರಂಗಳು ವಾಚ್ಯಕ್ಕೂ ವಾಚ್ಯಾತೀತವಾಗಿಹುದು.
ಮನಕ್ಕೂ ಮನಾತೀತವಾಗಿಹುದು, ವರ್ಣಕ್ಕೂ ವರ್ಣಾತೀತವಾಗಿಹುದು,
ತತ್ತ್ವಕ್ಕೂ ತತ್ತ್ವಾತೀತವಾಗಿಹುದು,
ಜ್ಞಾನಕ್ಕೂ ಜ್ಞಾನಾತೀತ ವಾಗಿಹುದು,
ಉಪಮೆಗೂ ಉಪಮಾತೀತವಾಗಿಹುದು,
ಚಕ್ರಕ್ಕೂ ಚಕ್ರಾತೀತವಾಗಿಹುದೆಂದು
ಅಸಿಪದಾತೀತಾಗಮದಲ್ಲಿ ಪ್ರಸಿದ್ಧವಾಗಿಹುದು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Innu niran̄janaṣaḍucakraṅgaḷa mēlaṇa nālku cakraṅgaḷa
vivaraventendaḍe:
Svayānandacakravendu, svayānanda ghanacakravendu,
svayānanda mahāghanacakravendu,
svayānanda mahāghanātītacakravendu ī nālku cakraṅgaḷu
anantakōṭi padmavanoḷakoṇḍu padmavilladihudu.
Anantakōṭi varṇagaḷanoḷakoṇḍu varṇavilladihudu.
Anantakōṭi akṣaragaḷanoḷakoṇḍu akṣaravilladihudu.
Anantakōṭi śaktigaḷanoḷakoṇḍu śaktiyilladihudu.
Anantakōṭi adhidēvategaḷanoḷakoṇḍu adhidēvateyilladihudu.
Anantakōṭi nādavanoḷakoṇḍu nādavilladihudu.
Anantakōṭi bījākṣaravanoḷakoṇḍu bījavillade beḷaguttihudu.
Ā cakraṅgaḷu vācyakkū vācyātītavāgihudu.
Manakkū manātītavāgihudu, varṇakkū varṇātītavāgihudu,
tattvakkū tattvātītavāgihudu,
jñānakkū jñānātīta vāgihudu,
upamegū upamātītavāgihudu,
cakrakkū cakrātītavāgihudendu
asipadātītāgamadalli prasid'dhavāgihudu nōḍā
apramāṇakūḍalasaṅgamadēvā
