ಹೊನ್ನ ಬಿಟ್ಟರೇನು? ಹೆಣ್ಣಿನಾಸೆಯ ಬಿಡದನ್ನಕ್ಕ.
ಅಲ್ಲಿಗೆ ಹಿರಿಯತನ ಸಲ್ಲದು.
ಹೆಣ್ಣ ಬಿಟ್ಟರೇನು? ಮಣ್ಣಿನಾಸೆಯ ಬಿಡದನ್ನಕ್ಕ.
ಅಲ್ಲಿಗೆ ಹಿರಿಯತನ ಸಲ್ಲದು.
ಅದೆಂತೆಂದಡೆ:
ಈ ತ್ರಿವಿಧವು ಒಂದಬಿಟ್ಟೊಂದಿರದಾಗಿ,
ಈ ತ್ರಿವಿಧವನತಿಗಳೆದು ಮನ ಮಹಾಘನದಲ್ಲಿ ಲೀಯವಾಗಿ
ದಗ್ಧಪಟನ್ಯಾಯದಲ್ಲಿ ಸುಳಿವ ನಿಜಸುಳಿವಿಂಗೆ
ನಮೋ ನಮೋ ಎನುತಿರ್ದೆನು ನೋಡಾ.
ಅಪ್ರಮಾಣಕೂಡಲಸಂಗಮದೇವಾ.
Transliteration Honna biṭṭarēnu? Heṇṇināseya biḍadannakka.
Allige hiriyatana salladu.
Heṇṇa biṭṭarēnu? Maṇṇināseya biḍadannakka.
Allige hiriyatana salladu.
Adentendaḍe:
Ī trividhavu ondabiṭṭondiradāgi,
ī trividhavanatigaḷedu mana mahāghanadalli līyavāgi
dagdhapaṭan'yāyadalli suḷiva nijasuḷiviṅge
namō namō enutirdenu nōḍā.
Apramāṇakūḍalasaṅgamadēvā.
