ವೇದಾಗಮ ಪುರಾಣಂಗಳನೋದಿ
ಕಂಡೆನೆಂಬ ಭ್ರಾಂತರ ನೋಡಾ.
ವೇದಂಗಳನೋದಿ ಕಾಣದೆ ವೇದಾತೀತನೆಂದುದು ನೋಡಾ.
ಆಗಮಂಗಳನೋದಿ ಕಾಣದೆ ಆಗಮಾತೀತನೆಂದುದು ನೋಡಾ.
ಶಾಸ್ತ್ರಂಗಳನೋದಿ ಕಾಣದೆ ಶಾಸ್ತ್ರಾತೀತನೆಂದುದು ನೋಡಾ.
ಪುರಾಣಂಗಳನೋದಿ ಕಾಣದೆ ಪುರಾಣಾತೀತನೆಂದುದು ನೋಡಾ.
ಉಪನಿಷತ್ತುಗಳನೋದಿ ಕಾಣದೆ ಉಪಮಾತೀತನೆಂದುದು ನೋಡಾ.
ಆ ಉಪಮಾತೀತವೆಂಬ ಮಹಾಘನವ
ನಮ್ಮ ಅಪ್ರಮಾಣಕೂಡಲಸಂಗನ ಶರಣರು ಬಲ್ಲರು.
Transliteration Vēdāgama purāṇaṅgaḷanōdi
kaṇḍenemba bhrāntara nōḍā.
Vēdaṅgaḷanōdi kāṇade vēdātītanendudu nōḍā.
Āgamaṅgaḷanōdi kāṇade āgamātītanendudu nōḍā.
Śāstraṅgaḷanōdi kāṇade śāstrātītanendudu nōḍā.
Purāṇaṅgaḷanōdi kāṇade purāṇātītanendudu nōḍā.
Upaniṣattugaḷanōdi kāṇade upamātītanendudu nōḍā.
Ā upamātītavemba mahāghanava
nam'ma apramāṇakūḍalasaṅgana śaraṇaru ballaru.
