ಷಟ್ಸ್ಥಲಬ್ರಹ್ಮ ಷಟ್ಸ್ಥಲಬ್ರಹ್ಮವೆಂಬರು.
ಷಟ್ಸ್ಥಲಬ್ರಹ್ಮದ ಭೇದವನಾರು ಬಲ್ಲರು?
ಷಟ್ಸ್ಥಲಬ್ರಹ್ಮದ ಭೇದವನಾರೂ ಅರಿಯರು.
ಷಟ್ಸ್ಥಲಬ್ರಹ್ಮದ ಭೇದವನರಿದಡೆ ಅರಿಯದಂತಿರಬೇಕು.
ಷಟ್ಸ್ಥಲಬ್ರಹ್ಮದ ಭೇದವನರಿದೆವೆಂಬರು; ಅರಿದ ಪರಿಯೆಂತೊ?
ಷಟ್ಸ್ಥಲಬ್ರಹ್ಮ `ನಿಃಶ್ಯಬ್ದಬ್ರಹ್ಮಮುಚ್ಯತೇ' ಎಂದು
ಶ್ರುತಿಗಳು ಸಾರುತ್ತಿಹುದು.
ಷಟ್ಸ್ಥಲಬ್ರಹ್ಮದ ಭೇದವು ನಿಶ್ಶಬ್ದಬ್ರಹ್ಮಗಲ್ಲದೆ ಅರಿಯಬಾರದು.
ಅರಿದಡೆ ಅರಿಯದಂತಿರಬೇಕು; ಅರಿದಡೆ ಅರಿವುದು.
ಜಂಗಮನೆ ಲಿಂಗವೆಂದರಿವುದು;
ಜಂಗಮಪಾದೋದಕ ಪ್ರಸಾದವನು ಲಿಂಗಕ್ಕೆ ಕೊಟ್ಟು ಕೊಳ್ಳಬಹುದು.
ಆ ಲಿಂಗಪ್ರಸಾದ ತಾ ಕೊಳ್ಳಬಹುದು.
ಆ ಲಿಂಗದೊಡನೆ ಸಹಭೋಜನ ಮಾಡಬಹುದು.
ಇಂತೀ ಭೇದವನರಿಯದೆ ಉದ್ದಂಡವೃತ್ತಿಯಲ್ಲಿ ಕೊಂಡನಾದಡೆ
ನಾಯಕನರಕ ತಪ್ಪದು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Ṣaṭsthalabrahma ṣaṭsthalabrahmavembaru.
Ṣaṭsthalabrahmada bhēdavanāru ballaru?
Ṣaṭsthalabrahmada bhēdavanārū ariyaru.
Ṣaṭsthalabrahmada bhēdavanaridaḍe ariyadantirabēku.
Ṣaṭsthalabrahmada bhēdavanaridevembaru; arida pariyento?
Ṣaṭsthalabrahma `niḥśyabdabrahmamucyatē' endu
śrutigaḷu sāruttihudu.
Ṣaṭsthalabrahmada bhēdavu niśśabdabrahmagallade ariyabāradu.
Aridaḍe ariyadantirabēku; aridaḍe arivudu.
Jaṅgamane liṅgavendarivudu;
jaṅgamapādōdaka prasādavanu liṅgakke koṭṭu koḷḷabahudu.
Ā liṅgaprasāda tā koḷḷabahudu.
Ā liṅgadoḍane sahabhōjana māḍabahudu.
Intī bhēdavanariyade uddaṇḍavr̥ttiyalli koṇḍanādaḍe
nāyakanaraka tappadu nōḍā
apramāṇakūḍalasaṅgamadēvā.
