ಅನಂತಕೋಟಿ ಸೂರ್ಯ ಚಂದ್ರಾಗ್ನಿಪ್ರಕಾಶವಾಗಿಹ
ಪರಂಜ್ಯೋತಿಯಲ್ಲಿ ನಿರಾಮಯಬೀಜ ಹುಟ್ಟಿತ್ತು ನೋಡಾ.
ನಿರಾಮಯಬೀಜದಲ್ಲಿ ನಿರಾಳ ನಿರಂಜನವೆಂಬ ವೃಕ್ಷ ತಲೆದೋರಿ,
ಉದಯಾಸ್ತಮಾನವೆಂಬೆರಡರಿದ ಶರಣಂಗೆ,
ಅನಂತಕೋಟಿ ಶಾಖಾದಿಗಳಾದವು ನೋಡಾ.
ಪರಮಾನಂದವೆಂಬ ಹೂವಾಯಿತ್ತು.
ಪರಮಪರಿಣಾಮವೆಂಬ ಕಾಯಾಯಿತ್ತು,
ಪರಮಪರಿಣಾಮದ ತೃಪ್ತಿಯೆಂಬ ಹಣ್ಣಾಯಿತ್ತು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Anantakōṭi sūrya candrāgniprakāśavāgiha
paran̄jyōtiyalli nirāmayabīja huṭṭittu nōḍā.
Nirāmayabījadalli nirāḷa niran̄janavemba vr̥kṣa taledōri,
udayāstamānavemberaḍarida śaraṇaṅge,
anantakōṭi śākhādigaḷādavu nōḍā.
Paramānandavemba hūvāyittu.
Paramapariṇāmavemba kāyāyittu,
paramapariṇāmada tr̥ptiyemba haṇṇāyittu nōḍā
apramāṇakūḍalasaṅgamadēvā.
