ಅಂಥ ಬ್ರಹ್ಮಾಂಡವ ತೊಂಬತ್ತೊಂಬತ್ತುಸಾವಿರದ
ಒಂಬೈನೂರಾಎಂಬತ್ತೆಂಟು
ಬ್ರಹ್ಮಾಂಡವನೊಳಕೊಂಡುದೊಂದು ಅಟ್ಟಹಾಸವೆಂಬ ಭುವನ.
ಆ ಭುವನದೊಳು ಅಯೋಗನಾಶನೆಂಬ ರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ನಾನೂರತೊಂಬತ್ತೈದುಕೋಟಿ ರುದ್ರ-ಬ್ರಹ್ಮ-ನಾರಾಯಣರಿಹರು ನೋಡಾ,
ನಾನೂರತೊಂಬತ್ತೈದುಕೋಟಿ ಇಂದ್ರ-ಚಂದ್ರಾದಿತ್ಯರು
ವೇದಪುರುಷರು ಮುನೀಂದ್ರರು ದೇವರ್ಕಳಿಹರು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Antha brahmāṇḍava tombattombattusāvirada
ombainūrā'embatteṇṭu
brahmāṇḍavanoḷakoṇḍudondu aṭṭahāsavemba bhuvana.
Ā bhuvanadoḷu ayōganāśanemba rudramūrti ihanu.
Ā rudramūrtiya ōlagadalli
nānūratombattaidukōṭi rudra-brahma-nārāyaṇariharu nōḍā,
nānūratombattaidukōṭi indra-candrādityaru
vēdapuruṣaru munīndraru dēvarkaḷiharu nōḍā
apramāṇakūḍalasaṅgamadēvā.
