ಮಡಿವಾಳ ಮಾಚಿದೇವ   
  •  
  •  
  •  
  •  


Index   ವಚನ - 4    Search  
 
ಅಂಗಲಿಂಗಸಂಬಂಧವೆಲ್ಲಿಯದಯ್ಯಾ ? ಪ್ರಾಣ ಮುಟ್ಟದನ್ನಕ್ಕರ ಲಿಂಗಾರ್ಚನೆ ಯಾಕೆ ? ಪ್ರಾಣ ಮುಟ್ಟಿ ಮಾಡಿತ್ತೆ ಲಿಂಗಾರ್ಚನೆ. ಪ್ರಾಣ ಒಂದಾಗಿ ಕೊಂಬುದೆ ಪ್ರಸಾದ. ಅಳಿವ ಘಟಕ್ಕೆ ಇದೆತ್ತಣ ಲಿಂಗಸಂಬಂಧವೋ ? ಇದ ಮಾಡಿದವರಾರು ? ಇದು ಕುಟಿಲ. ಪ್ರಾಣಲಿಂಗವೆ ಗುರುಸಂಬಂಧ. ಪ್ರಾಣಪ್ರಸಾದವೆ ಗುರುಮಹತ್ವ. ತನುಮನಧನವನು ಪ್ರಾಣ ಮುಂತಾಗಿ ನಿವೇದಿಸಬಲ್ಲಡೆ ಆತನ ಘಟವು, [ಅ]ಕಾಯವು. ಪ್ರಾಣ ಮುಟ್ಟಿತ್ತೆ ಲಿಂಗಾರ್ಚನೆ. ಪ್ರಾಣ ಮುಟ್ಟದ ಭಕ್ತಿ ಸಲ್ಲದು, ಸಲ್ಲದು. ಇಂತೀ ಪ್ರಾಣ ತದ್ಗತವಾದಾತನೆ ನಿಃಸಂಸಾರಿ ಕಾಣಾ ಕಲಿದೇವಯ್ಯಾ.
Transliteration Aṅgaliṅgasambandhavelliyadayyā? Prāṇa muṭṭadannakkara liṅgārcane yāke? Prāṇa muṭṭi māḍitte liṅgārcane. Prāṇa ondāgi kombude prasāda. Aḷiva ghaṭakke idettaṇa liṅgasambandhavō? Ida māḍidavarāru? Idu kuṭila. Prāṇaliṅgave gurusambandha. Prāṇaprasādave gurumahatva. Tanumanadhanavanu prāṇa muntāgi nivēdisaballaḍe ātana ghaṭavu, [a]kāyavu. Prāṇa muṭṭitte liṅgārcane. Prāṇa muṭṭada bhakti salladu, salladu. Intī prāṇa tadgatavādātane niḥsansāri kāṇā kalidēvayyā.