ಅನಾದಿ ಅಖಂಡಪರಿಪೂರ್ಣ ನಿಜಾಚರಣೆಯನಗಲದೆ
ಮಹಾವೈರಾಗ್ಯದಿಂದ ಪರಶಿವಲಿಂಗಕೂ ತನಗೂ ಚಿನ್ನ ಬಣ್ಣದ ಹಾಂಗೆ,
ಪುಷ್ಪ ಪರಿಮಳದ ಹಾಂಗೆ, ಶಿಖಿ ಕರ್ಪುರದ ಹಾಂಗೆ,
ಉಪ್ಪು ಉದಕದ ಹಾಂಗೆ, ಅಗ್ನಿ ವಾಯುವಿನ ಹಾಂಗೆ,
ಕ್ಷೀರ ಕ್ಷೀರ ಬೆರದ ಹಾಂಗೆ, ವಾರಿ ಶರಧಿಯ ಕೂಡಿದ ಹಾಂಗೆ,
ತಿಳಿದುಪ್ಪ ಹೆರೆದುಪ್ಪವಾದ ಹಾಂಗೆ, ಹೆಪ್ಪು ನವನೀತದ ಹಾಂಗೆ
ಸೂಜಿಕಲ್ಲಾದಂತೆ ಮರ್ತ್ಯದಲ್ಲಿರ್ದು, ಕನ್ನಡಿಯ ಪ್ರತಿಬಿಂಬ
ಸೂರ್ಯನ ಕಿರಣದಂತೆ ಕಾಲ ಕಾಮರ ಪಾಶಕ್ಕೆ ಹೊರಗಾಗಿ,
ಬಾವನ್ನದಿರವನೊಳಕೊಂಡು ಸರ್ವಾಚಾರಸಂಪತ್ತಿನಲ್ಲಿ
ಎಡೆದೆರಪಿಲ್ಲದೆ ಮಹಾಮೋಹಿಯಾಗಿ,
ಲೋಕಪಾವನಕ್ಕೋಸ್ಕರ ಸಂಚರಿಸುವಾತನೆ,
ನಿರಂಜನ ಭಕ್ತಜಂಗಮ ಕಾಣಾ, ಕಲಿದೇವರದೇವ.
Transliteration Anādi akhaṇḍaparipūrṇa nijācaraṇeyanagalade
mahāvairāgyadinda paraśivaliṅgakū tanagū cinna baṇṇada hāṅge,
puṣpa parimaḷada hāṅge, śikhi karpurada hāṅge,
uppu udakada hāṅge, agni vāyuvina hāṅge,
kṣīra kṣīra berada hāṅge, vāri śaradhiya kūḍida hāṅge,
tiḷiduppa hereduppavāda hāṅge, heppu navanītada hāṅge
sūjikallādante martyadallirdu, kannaḍiya pratibimba
Sūryana kiraṇadante kāla kāmara pāśakke horagāgi,
bāvannadiravanoḷakoṇḍu sarvācārasampattinalli
eḍederapillade mahāmōhiyāgi,
lōkapāvanakkōskara san̄carisuvātane,
niran̄jana bhaktajaṅgama kāṇā, kalidēvaradēva.
