ಮಡಿವಾಳ ಮಾಚಿದೇವ   
  •  
  •  
  •  
  •  


Index   ವಚನ - 55    Search  
 
ಆ ಜಾತಿ ಈ ಜಾತಿಯವರೆನಬೇಡ. ಹದಿನೆಂಟುಜಾತಿಯೊಳಗಾವ ಜಾತಿಯಾದಡೂ ಆಗಲಿ, ಗುರು ಕಾರುಣ್ಯವ ಪಡೆದು, ಅಂಗದ ಮೇಲೆ ಲಿಂಗವ ಧರಿಸಿ, ಪುನರ್ಜಾತರಾದ ಬಳಿಕ, ಭಕ್ತರಾಗಲಿ ಜಂಗಮವಾಗಲಿ, ಗುರುವಿನ ವೇಷವಿದ್ದವರ ಗುರುವೆಂದು ನಂಬಿ, ದಾಸೋಹವ ಮಾಡುವುದೆ ಸದಾಚಾರ. ಗುರುವನತಿಗಳೆದು, ಗುರುವಾಜ್ಞೆಯ ಮೀರಿ, ಗುರು ಕೊಟ್ಟ ಪಂಚಮುದ್ರೆಗಳ ಮೇಲೆ ಅನ್ಯಸಮಯ ಮುದ್ರೆಯ ಲಾಂಛನಾಂಕಿತರಾಗಿ, ಗುರುದ್ರೋಹಿಗಳಾಗಿ ಬಂದವರ ಜಂಗಮವೆಂದು ಕಂಡು, ನಮಸ್ಕರಿಸಿ ಆರಾಧಿಸಿ, ಪ್ರಸಾದವ ಕೊಂಡವಂಗೆ ನಾಯಕನರಕ ತಪ್ಪದೆಂದ ಕಲಿದೇವಯ್ಯ.
Transliteration Ā jāti ī jātiyavarenabēḍa. Hadineṇṭujātiyoḷagāva jātiyādaḍū āgali, guru kāruṇyava paḍedu, aṅgada mēle liṅgava dharisi, punarjātarāda baḷika, bhaktarāgali jaṅgamavāgali, guruvina vēṣaviddavara guruvendu nambi, dāsōhava māḍuvude sadācāra. Guruvanatigaḷedu, guruvājñeya mīri, guru koṭṭa pan̄camudregaḷa mēle an'yasamaya mudreya lān̄chanāṅkitarāgi, gurudrōhigaḷāgi bandavara jaṅgamavendu kaṇḍu, namaskarisi ārādhisi, prasādava koṇḍavaṅge nāyakanaraka tappadenda kalidēvayya.