ಮಡಿವಾಳ ಮಾಚಿದೇವ   
  •  
  •  
  •  
  •  


Index   ವಚನ - 142    Search  
 
ಗುಂಗುರಿಗೆ ಸುಂಡಿಲು ಹುಟ್ಟಿದೆಡೆ ಆನೆಯಾಗಬಲ್ಲುದೆ ? ನೊಣವಿಂಗೆ ಪಕ್ಕ ಹುಟ್ಟಿದೆಡೆ ಶರಭನಾಗಬಲ್ಲುದೆ ? ಕಾಗೆ ಕೋಗಿಲೆಯು ಒಂದೆಯಾದೆಡೆ ಕೋಗಿಲೆಯಂತೆ ಸ್ವರಗೆಯ್ಯಬಲ್ಲುದೆ ? ಶ್ವಾನನ ನಡು ಸಣ್ಣನಾದಡೆ ಸಿಂಹನಾಗಬಲ್ಲುದೆ? ಅಂಗದ ಮೇಲೆ ವಿಭೂತಿ ರುದ್ರಾಕ್ಷಿ ಶಿವಲಿಂಗವಿದ್ದಡೇನು ನಿಮ್ಮ ನಂಬಿದ ಸತ್ಯದಾಚಾರವುಳ್ಳ ಏಕಲಿಂಗನಿಷ್ಠಾವಂತರಿಗೆ ಸರಿಯೆನ್ನಬಹುದೆ ಅಯ್ಯಾ ? ಇಂಥ ಗುರುಲಿಂಗಜಂಗಮವ ನೆರೆ ನಂಬದೆ, ಪಾದತೀರ್ಥ ಪ್ರಸಾದದಿರವನರಿಯದೆ, ಬರಿದೆ ಭಕ್ತರೆಂದು ಬೊಗಳುವ ದುರಾಚಾರಿಯ ತೋರದಿರಯ್ಯಾ ಕಲಿದೇವರದೇವಾ.
Transliteration Guṅgurige suṇḍilu huṭṭideḍe āneyāgaballude? Noṇaviṅge pakka huṭṭideḍe śarabhanāgaballude? Kāge kōgileyu ondeyādeḍe kōgileyante svarageyyaballude? Śvānana naḍu saṇṇanādaḍe sinhanāgaballude? Aṅgada mēle vibhūti rudrākṣi śivaliṅgaviddaḍēnu nim'ma nambida satyadācāravuḷḷa ēkaliṅganiṣṭhāvantarige sariyennabahude ayyā? Intha guruliṅgajaṅgamava nere nambade, pādatīrtha prasādadiravanariyade, baride bhaktarendu bogaḷuva durācāriya tōradirayyā kalidēvaradēvā.