ನಿರ್ವಾಹವಾಯಿತ್ತಯ್ಯಾ ಬಸವಣ್ಣಂಗೆ ಕಪ್ಪಡಿಯ ಸಂಗಯ್ಯನಲ್ಲಿ.
ಅಕ್ಕನಾಗಾಯಿ ಮಿಂಡ ಮಲ್ಲಿನಾಥ ಹಡಪದ ಅಪ್ಪಣ್ಣ
ಮೊಗವಾಡದ ಕೇಶಿರಾಜ ಕೋಲಶಾಂತಯ್ಯ ಮೊದಲಾದ
ಶಿವಗಣಂಗಳೆಲ್ಲರೂ ಬಸವರಾಜನ ಬಯಲ ಬೆರಸಿದರು.
ಆ ಬಯಲ ಪ್ರಸಾದದಿಂದ,
ನಿರುಪಮ ಪ್ರಭುದೇವರು ಕದಳಿಯಲ್ಲಿ ಬಯಲಾದರು.
ಆ ಬಯಲ ಪ್ರಸಾದದಿಂದ,
ಮೋಳಿಗೆಯ ಮಾರಯ್ಯ ಕಕ್ಕಯ್ಯ ಪಡಿಹಾರಿ ಉತ್ತಣ್ಣ
ಕನ್ನದ ಮಾರಣ್ಣ ಕಲಕೇತ ಬೊಮ್ಮಣ್ಣ ನುಲಿಯ ಚಂದಯ್ಯ
ಹೆಂಡದ ಮಾರಯ್ಯ ಶಂಕರ ದಾಸಿಮಯ್ಯ ಏಕಾಂತ ರಾಮಯ್ಯ
ಮೇದರ ಕೇತಯ್ಯ ಮೊದಲಾದ
ಏಳುನೂರೆಪ್ಪತ್ತು ಅಮರಗಣಂಗಳ ದಂಡು,
ಕೈಲಾಸಕ್ಕೆ ನಡೆಯಿತ್ತು, ಬಂದ ಮಣಿಹ ಪೂರೈಸಿತ್ತು.
ಸಂದ ಪುರಾತನರೆಲ್ಲರು ಎನ್ನ ಮನದ ಮೈಲಿಗೆಯ ಕಳೆದ ಕಾರಣ,
ಕಲಿದೇವರದೇವಯ್ಯಾ,
ಇವರೆಲ್ಲರ ಒಕ್ಕಮಿಕ್ಕಪ್ರಸಾದದ ಬಯಲು ಎನಗಾಯಿತ್ತು.
Transliteration Nirvāhavāyittayyā basavaṇṇaṅge kappaḍiya saṅgayyanalli.
Akkanāgāyi miṇḍa mallinātha haḍapada appaṇṇa
mogavāḍada kēśirāja kōlaśāntayya modalāda
śivagaṇaṅgaḷellarū basavarājana bayala berasidaru.
Ā bayala prasādadinda,
nirupama prabhudēvaru kadaḷiyalli bayalādaru.
Ā bayala prasādadinda,
mōḷigeya mārayya kakkayya paḍ'̔ihāri uttaṇṇa
Kannada māraṇṇa kalakēta bom'maṇṇa nuliya candayya
heṇḍada mārayya śaṅkara dāsimayya ēkānta rāmayya
mēdara kētayya modalāda
ēḷunūreppattu amaragaṇaṅgaḷa daṇḍu,
kailāsakke naḍeyittu, banda maṇiha pūraisittu.
Sanda purātanarellaru enna manada mailigeya kaḷeda kāraṇa,
kalidēvaradēvayyā,
ivarellara okkamikkaprasādada bayalu enagāyittu.
