ಪುರವರಾಧೀಶ್ವರರೆಲ್ಲರೂ ಪುರದೊಡೆಯ ಬಸವಣ್ಣ ಎಂದೆಂಬರು.
ಅಮರಾಧೀಶ್ವರರೆಲ್ಲರೂ ಅಮರಪತಿ ಬಸವಣ್ಣ ಎಂದೆಂಬರು.
ಕೈಲಾಸಾಧಿಪತಿಗಳೆಲ್ಲರೂ ಶಿವಲಿಂಗ ಬಸವಣ್ಣ ಎಂದೆಂಬರು.
ದೇವಸಮೂಹವೆಲ್ಲ ಮಹಾಲಿಂಗ ಬಸವಣ್ಣ ಎಂದೆಂಬರು.
ಪಂಚವಕ್ತ್ರಗಣಂಗಳೆಲ್ಲರೂ ಪಂಚಲಿಂಗ ಬಸವಣ್ಣ ಎಂದೆಂಬರು.
ಸಾಲೋಕ್ಯ ಸಾಮೀಪ್ಯ ಸಾರೂಪ್ಯ ಸಾಯುಜ್ಯಗಣಂಗಳೆಲ್ಲರೂ
ಪದವೀವ ಬಸವಣ್ಣ ಎಂದೆಂಬರು. ನಾಗಲೋಕದವರೆಲ್ಲರೂ ಸಕಲಾಧಾರ
ಬಸವಣ್ಣ ಎಂದೆಂಬರು.
ಮರ್ತ್ಯಲೋಕದವರೆಲ್ಲರೂ ಗುರುಲಿಂಗ ಬಸವಣ್ಣ ಎಂದೆಂಬರು.
ಭಕ್ತ ಬಸವಣ್ಣ ಎಂದೆಂಬರು, ಸೋಹಿ ದಾಸೋಹಿ ಬಸವಣ್ಣ ಎಂದೆಂಬರು.
ತನುಮನಧನವ ಗುರುಲಿಂಗಜಂಗಮಕ್ಕೆ ನಿವೇದಿಸುವಾತ
ಬಸವಣ್ಣ ಎಂದೆಂಬರು. ಇದು ಕಾರಣ, ನಾನು ಬಸವಣ್ಣ
ಬಸವಣ್ಣ ಬಸವಣ್ಣ ಎಂದು
ಬಯಲಾದೆನು ಕಾಣಾ, ಕಲಿದೇವರದೇವ.
Transliteration Puravarādhīśvararellarū puradoḍeya basavaṇṇa endembaru.
Amarādhīśvararellarū amarapati basavaṇṇa endembaru.
Kailāsādhipatigaḷellarū śivaliṅga basavaṇṇa endembaru.
Dēvasamūhavella mahāliṅga basavaṇṇa endembaru.
Pan̄cavaktragaṇaṅgaḷellarū pan̄caliṅga basavaṇṇa endembaru.
Sālōkya sāmīpya sārūpya sāyujyagaṇaṅgaḷellarū
padavīva basavaṇṇa endembaru. Nāgalōkadavarellarū sakalādhāra
basavaṇṇa endembaru.
Martyalōkadavarellarū guruliṅga basavaṇṇa endembaru.
Bhakta basavaṇṇa endembaru, sōhi dāsōhi basavaṇṇa endembaru.
Tanumanadhanava guruliṅgajaṅgamakke nivēdisuvāta
basavaṇṇa endembaru. Idu kāraṇa, nānu basavaṇṇa
basavaṇṇa basavaṇṇa endu
bayalādenu kāṇā, kalidēvaradēva.
