ಶಿವಾಚಾರ ಘನವೆಂಬುದ ಕೇಳಿ, ಭವಿಜಾತವಳಿದು,

ಶಿವಾಚಾರ ಘನವೆಂಬುದ ಕೇಳಿ, ಭವಿಜಾತವಳಿದು, ಪುನರ್ಜಾತನಾಗಿ, ಅಂಗದ ಮೇಲೆ ಲಿಂಗವ ಧರಿಸಿ, ಆ ಲಿಂಗಜಂಗಮವನಾರಾಧಿಸಿ, ಪ್ರಸಾದವ ಕೊಂಡು, ಭಕ್ತರಾಗಿ ಮುಕ್ತಿಯ ಪಡೆದೆನೆಂಬವರ ಹೆದರಿಸಿ, ಜರೆದು ಝಂಕಿಸಿ ಕೆಡೆನುಡಿದು, ಆಚಾರವ ಬಿಡಿಸಿ, ಅವರ ಹಿಂದಣ ಭವಿಶೈವದೈವಂಗಳ ಹಿಡಿಸಿ, ತಮ್ಮಂತೆ ನರಕದೊಳಗಾಳಬೇಕೆಂದು, ನಿಮ್ಮ ಮುನ್ನಿನ ಹಿರಿಯರ ಬೆನ್ನಬಳಿವಿಡಿದು ಬಂದ ಕುಲದೈವ ಮನೆದೈವ ಬಿಟ್ಟು, ಈ ಲಿಂಗಜಂಗಮಭಕ್ತಿಯ ಮಾಡಬೇಡೆಂದು ಹೇಳುವ ಕುನ್ನಿಗಳ ನುಡಿಯ ಕೇಳಲಾಗದೆಂದ, ಕಲಿದೇವಯ್ಯ.

Transliteration Śivācāra ghanavembuda kēḷi, bhavijātavaḷidu, punarjātanāgi, aṅgada mēle liṅgava dharisi, ā liṅgajaṅgamavanārādhisi, prasādava koṇḍu, bhaktarāgi muktiya paḍedenembavara hedarisi, jaredu jhaṅkisi keḍenuḍidu, ācārava biḍisi, avara hindaṇa bhaviśaivadaivaṅgaḷa hiḍisi, tam'mante narakadoḷagāḷabēkendu, nim'ma munnina hiriyara bennabaḷiviḍidu banda kuladaiva manedaiva biṭṭu, ī liṅgajaṅgamabhaktiya māḍabēḍendu hēḷuva kunnigaḷa nuḍiya kēḷalāgadenda, kalidēvayya.

ಪ್ರತಿಕ್ರಿಯೆಗಳು / Comments