ಭೂಮಿ ಜಲ ಅಗ್ನಿ ಗಾಳಿ ಆಕಾಶ ಇವು ಮೊದಲಾದ
ಪಂಚಕದಿಂದುದಿಸಿದುದೆ ಬ್ರಹ್ಮಾಂಡವೆನಿಸಿತ್ತು.
ಅದರ ಸೂತ್ರವಿಡಿದು ಬಂದದ್ದೇ ಪಿಂಡಾಂಡವೆನಿಸಿತ್ತು.
ರವಿ ಚಂದ್ರ ಆತ್ಮದಿ ಅಂಗವೆನಿಸಿತ್ತು.
ಪಿಂಡಾಂಡದಿ ತೋರುವ ಕಾಯವೇ ಗುರುವಾಗಿ, ಪ್ರಾಣವೆ ಲಿಂಗವಾಗಿ,
ಜ್ಞಾನವೆ ಜಂಗಮವಾಗಿ, ಮುಂದೆ ಕಾಯದೊಳು ಕಾಂಬ
ಅರುವಿನ ಬೆಳಗೆ ವಿಭೂತಿ, ಅರುವಿನ ಕರಣವೇ ಪಾದೋದಕ,
ಅರುವಿನ ಆನಂದವೇ ಪ್ರಸಾದ, ಅರುವಿನ ಕೃಪೆಯೇ ರುದ್ರಾಕ್ಷಿ,
ಅರುವು ತಾನೇ ಆಗು ಮೆರೆದುದೇ ಮಂತ್ರ
ಇಂತು ಪಿಂಡಾಂಡಪಂಚಕ ಅಷ್ಟತನು ಒಳಗೊಂಡು
ಕಾಂಬುದೊಂದೀ ಪರಿಯ
ಅಷ್ಟಾವರಣವಾದ ಶ್ರೇಷ್ಠಗುರುವೆ
ನಿರುಪಮ ನಿರಾಳ ಮಹತ್ಪ್ರಭು ಮಹಾಂತಯೋಗಿ.
Transliteration Bhūmi jala agni gāḷi ākāśa ivu modalāda
pan̄cakadindudisidude brahmāṇḍavenisittu.
Adara sūtraviḍidu bandaddē piṇḍāṇḍavenisittu.
Ravi candra ātmadi aṅgavenisittu.
Piṇḍāṇḍadi tōruva kāyavē guruvāgi, prāṇave liṅgavāgi,
jñānave jaṅgamavāgi, munde kāyadoḷu kāmba
aruvina beḷage vibhūti, aruvina karaṇavē pādōdaka,
aruvina ānandavē prasāda, aruvina kr̥peyē rudrākṣi,
aruvu tānē āgu meredudē mantra
intu piṇḍāṇḍapan̄caka aṣṭatanu oḷagoṇḍu
kāmbudondī pariya
aṣṭāvaraṇavāda śrēṣṭhaguruve
nirupama nirāḷa mahatprabhu mahāntayōgi.
