ಸತ್ಯವೇ ಗುರುವಾಗಿ ತೋರಿತು, ಚಿತ್ತವೆ ಲಿಂಗವಾಗಿ ತೋರಿತು,
ಆನಂದವೆ ಜಂಗಮವಾಗಿ ತೋರಿತು,
ನಿತ್ಯವೆ ಪಾದೋದಕವಾಗಿ ತೋರಿತು,
ಪರಿಪೂರ್ಣವೆ ಪ್ರಸಾದವಾಗಿ ತೋರಿತು,
ಅಖಂಡತ್ವವೇ ಶಿವಾಕ್ಷಮಣಿ ಎನಿಸಿ ತೋರಿತು.
ಆ ಪರಬ್ರಹ್ಮವೇ ತಾನಾದ ವಿನೋದವು ಮಂತ್ರವೆನಿಸಿತ್ತು.
ಮತ್ತೆ ತನ್ನ ನಾಮವೆ ಪಂಚಾಕ್ಷರಿ, ತನ್ನ ಸ್ಥಲವೇ ಷಡಕ್ಷರಿ,
ತನ್ನ ರೂಪ ದೇಹ ನೋಟ ನೆನಹು ಸರ್ವವೂ ಪರಶಿವರೂಪ.
ಆನಿ ಬೆಳವಲಹಣ್ಣು ನುಂಗಿದಾ ಪರಿಯಂತೆ,
ಒಡೆದರೆ ಏನೂ ಇಲ್ಲ ಬೈಲೇ ಬೈಲು,
ಅದರಂತೆ ಕೇಳೋದು ಬೈಲು, ಹೇಳೋದು, ಬೈಲು,
ಹೌದು ಎಂಬುವದದು ಬೈಲು, ಅಲ್ಲವೆಂಬುದದು ಬೈಲು;
ಬೈಲಿಗೆ ಬೈಲು ನಿರ್ಬೈಲು.
ಕಾಡಕಿಚ್ಚಿನ ಕೈಯ ಮೆದಿಯ ಕೊಯಿಸಿದರೆ
ಹಿಂದೆ ಮೆದಿ ಇಲ್ಲಾ, ಮುಂದೆ ನಿಲುವು ಇಲ್ಲಾ.
ವಾಯದ ರಾಸಿಗೆ ಮರಣದ ಕೊಳಗ, ಅಳ್ಯೋದು ನೆರಳುವದು ಬೈಲು.
ಅಳತೆಗೆ ಹೋಗದು, ಹೊಯ್ತಕ್ಕೆ ಸಿಗದು.
ರವಿಯಂತೆ ಬದ್ಧವಿಲ್ಲಾ, ಪರಿಪೂರ್ಣ ಪರಂಜ್ಯೋತಿ ಬೈಲು.
ಇಂತು ಪರಿಯಲ್ಲಿ ನೂರೆಂಟು ಪರಿಪರಿಯ ಅಷ್ಟಾವರಣದ
ವಚನವಾಗಿ ಸುಳ್ಳೆ ಸುಳ್ಳೆನಿಸಿ ಸಾರಿದಿ
ನಿರುಪಮ ನಿರಾಳ ಮಹತ್ಪ್ರಭು ಮಹಾಂತಯೋಗಿ.
Transliteration Satyavē guruvāgi tōritu, cittave liṅgavāgi tōritu,
ānandave jaṅgamavāgi tōritu,
nityave pādōdakavāgi tōritu,
paripūrṇave prasādavāgi tōritu,
akhaṇḍatvavē śivākṣamaṇi enisi tōritu.
Ā parabrahmavē tānāda vinōdavu mantravenisittu.
Matte tanna nāmave pan̄cākṣari, tanna sthalavē ṣaḍakṣari,
tanna rūpa dēha nōṭa nenahu sarvavū paraśivarūpa.Āni beḷavalahaṇṇu nuṅgidā pariyante,
oḍedare ēnū illa bailē bailu,
adarante kēḷōdu bailu, hēḷōdu, bailu,
haudu embuvadadu bailu, allavembudadu bailu;
bailige bailu nirbailu.
Kāḍakiccina kaiya mediya koyisidare
hinde medi illā, munde niluvu illā.
Vāyada rāsige maraṇada koḷaga, aḷyōdu neraḷuvadu bailu.
Aḷatege hōgadu, hoytakke sigadu.
Raviyante bad'dhavillā, paripūrṇa paran̄jyōti bailu.
Intu pariyalli nūreṇṭu paripariya aṣṭāvaraṇada
vacanavāgi suḷḷe suḷḷenisi sāridi
nirupama nirāḷa mahatprabhu mahāntayōgi.
