ವೇದಂಗಳ ನಾಲ್ಕು ಭೇದಿಸಲರಿಯದೆ,
ಹದಿನಾರು ಶಾಸ್ತ್ರ ನಿಮ್ಮ ಶಾಂತಿಯನರಿಯದೆ,
ಇಪ್ಪತ್ತೆಂಟು ಪುರಾಣ ನಿಮ್ಮ ಪುಣ್ಯದ ಪುಂಗವನರಿಯದೆ,
ತೊಳಲಿ ಬಳಲುವುದಕ್ಕೆ [ಚ]ರ್ಚೆಯ ಮಾಡಿದೆ.
ನಾ ಕೆಟ್ಟೆ, ಹುಚ್ಚುಗೊಂಡ ನಾಯಿ ಒಡೆಯನ ಕಚ್ಚಿದಂತೆ, ಕೆಟ್ಟೆ.
ಆಗಮಗಳಲ್ಲಿ ಹೋರಿ, ದೃಷ್ಟವ ಕಾಣದೆ ಹೊತ್ತುಹೋರಿದೆನಯ್ಯಾ.
ತಿರುಗುವ ಮೃಗವ ಎಚ್ಚಂತೆ, ಎನಗದು ಕುರುಹಾಯಿತ್ತು,
ಎನ್ನ ಗೂಡಿನ ಗುಮ್ಮಟನೊಡೆಯ ಅಗಮ್ಯೇಶ್ವರಲಿಂಗ.
Transliteration Vēdaṅgaḷa nālku bhēdisalariyade,
hadināru śāstra nim'ma śāntiyanariyade,
ippatteṇṭu purāṇa nim'ma puṇyada puṅgavanariyade,
toḷali baḷaluvudakke [ca]rceya māḍide.
Nā keṭṭe, huccugoṇḍa nāyi oḍeyana kaccidante, keṭṭe.
Āgamagaḷalli hōri, dr̥ṣṭava kāṇade hottuhōridenayyā.
Tiruguva mr̥gava eccante, enagadu kuruhāyittu,
enna gūḍina gum'maṭanoḍeya agamyēśvaraliṅga.
