ಭಕ್ತಸ್ಥಲಕ್ಕೆ ವಿಶ್ವಾಸ ಶ್ರದ್ಧೆ ಸನ್ಮಾರ್ಗ,
ಮಾಹೇಶ್ವರಸ್ಥಲಕ್ಕೆ ಅಪರಾಧವಂ ಮಾಡದೆ
ನಿಂದೆಗೆ ಒಡಲಲ್ಲದೆ ಅನುಸರಣೆಯ ಕಂಡು ಕೇಳಿ ತಾಳದೆ,
ಪ್ರಸಾದಿಸ್ಥಲಕ್ಕೆ ಶುದ್ಧ-ಸಿದ್ಧ-ಪ್ರಸಿದ್ಧ-ಪ್ರಸನ್ನವೆಂಬುದನರಿಯದೆ
ಮಲಿನ ಅಮಲಿನವೆಂಬುದ ಕಾಣದೆ
ಚಿಕಿತ್ಸೆ ಜಿಗುಪ್ಸೆಯೆಂಬುದ ಭಾವಕಿಲ್ಲದೆ,
ಪ್ರಾಣಲಿಂಗಿಸ್ಥಲಕ್ಕೆ ಅರ್ಪಿತ ಅನರ್ಪಿತಂಗಳನರಿದು
ರಸವನೀಂಟಿದ ಘಟದಂತೆ
ಅಸಿಯ ಮೊನೆಗೆ ಬಂದು ನಿಲುವಂತೆ,
ಶರಣಸ್ಥಲಕ್ಕೆ ತೊಟ್ಟುಬಿಟ್ಟ ಫಳ
ಮರುತ ಸಂಚಾರಿಸಿದಲ್ಲಿಯೆ ಶಾಖೆಯ ಬಿಡುವಂತೆ,
ಸ್ತುತಿನಿಂದೆಗಳಲ್ಲಿ ರಾಗವಿರಾಗನಾಗಿ,
ಐಕ್ಯಸ್ಥಲಕ್ಕೆ ಉರಿಕೊಂಡ ಕರ್ಪುರದಂತೆ
ಭ್ರಮರ ಅನುಭವಿಸಿದ ಗಂಧದಂತೆ
ಭೂಸ್ಥಾಪಿತದಂತೆ, ಅನಲಕಾಷ್ಠಪಾಷಾಣದಂತೆ
ದೃಷ್ಟವ ಕಾಬನ್ನಕ್ಕ ಷಟ್‍ಸ್ಥಲಸಂಬಂಧ.
ಇಂತೀ ಸ್ಥಲಂಗಳನಾರೋಪಿಸಿದಲ್ಲಿ
ಸದ್ಯೋಜಾತಲಿಂಗವು ಸಂಬಂಧನಪ್ಪನು.
Transliteration Bhaktasthalakke viśvāsa śrad'dhe sanmārga,
māhēśvarasthalakke aparādhavaṁ māḍade
nindege oḍalallade anusaraṇeya kaṇḍu kēḷi tāḷade,
prasādisthalakke śud'dha-sid'dha-prasid'dha-prasannavembudanariyade
malina amalinavembuda kāṇade
cikitse jigupseyembuda bhāvakillade,
prāṇaliṅgisthalakke arpita anarpitaṅgaḷanaridu
rasavanīṇṭida ghaṭadante
asiya monege bandu niluvante,
Śaraṇasthalakke toṭṭubiṭṭa phaḷa
maruta san̄cārisidalliye śākheya biḍuvante,
stutinindegaḷalli rāgavirāganāgi,
aikyasthalakke urikoṇḍa karpuradante
bhramara anubhavisida gandhadante
bhūsthāpitadante, analakāṣṭhapāṣāṇadante
dr̥ṣṭava kābannakka ṣaṭsthalasambandha.
Intī sthalaṅgaḷanārōpisidalli
sadyōjātaliṅgavu sambandhanappanu.
