ಲಿಂಗಪ್ರಾಣ ಪ್ರಾಣಲಿಂಗ ಎಂಬ
ಉಭಯದ ಮಧ್ಯದಲ್ಲಿ ನಿಂದು
ಅರಿದರಿಹಿಸಿಕೊಂಬ ಪರಿಯಿನ್ನೆಂತೊ?
ಅದು ತತ್ತಿಯೊಳಗಿದ್ದ ಶುಕ್ಲಶೋಣಿತದಂತೆ.
ಆ ತತ್ತಿಯ ಭಿತ್ತಿಯ ಮರೆಯಲ್ಲಿ ಪಕ್ಷಿಯ ಸ್ಪರ್ಶನದಿಂದ ಬಲಿದು,
ಭಿತ್ತಿ ಒಡೆದು ಪಕ್ಷಿ ತದ್ರೂಪಾಗಿ ರಟ್ಟೆ ಬಲಿವನ್ನಕ್ಕ,
ಇಂತಪ್ಪ ಠಾವಿನಲ್ಲಿದ್ದು
ತಾಯಿಯಿತ್ತ ಕುಟುಕ ಕೊಂಡು ಆ ಘಟ ಬಲಿದು,
ರಟ್ಟೆಯ ಲಕ್ಷಣ ಯುಕ್ತಿಗೊಂಡು ಚರಿಸಿದ ಭೇದ ಪಿಂಡಜ್ಞಾನಸಂಬಂಧ.
ಆ ಗುಣ ಅಭಿಮುಖವಾಗಿ
ಚರಿಸಲಿಕ್ಕೆ ಜ್ಞಾನಪಿಂಡಸಂಬಂಧ.
ಇಂತು ಪಿಂಡಜ್ಞಾನ ಜ್ಞಾನಪಿಂಡ ಉಭಯಲೇಪ
ಸದ್ಯೋಜಾತಲಿಂಗದಲ್ಲಿ.
Transliteration Liṅgaprāṇa prāṇaliṅga emba
ubhayada madhyadalli nindu
aridarihisikomba pariyinnento?
Adu tattiyoḷagidda śuklaśōṇitadante.
Ā tattiya bhittiya mareyalli pakṣiya sparśanadinda balidu,
bhitti oḍedu pakṣi tadrūpāgi raṭṭe balivannakka,
intappa ṭhāvinalliddu
tāyiyitta kuṭuka koṇḍu ā ghaṭa balidu,
raṭṭeya lakṣaṇa yuktigoṇḍu carisida bhēda piṇḍajñānasambandha.
Ā guṇa abhimukhavāgi
carisalikke jñānapiṇḍasambandha.
Intu piṇḍajñāna jñānapiṇḍa ubhayalēpa
sadyōjātaliṅgadalli.
