ಸ್ಥೂಲತನುವಿನಲ್ಲಿ ಸೂಕ್ಷ್ಮತನು ಆಧೀನವಾಗಿಪ್ಪುದನರಿದು
ಸೂಕ್ಷ್ಮತನುವಿನಲ್ಲಿ ಕಾರಣತನು
ಆಧೀನವಾಗಿಪ್ಪುದನರಿದು ಇರಬೇಕು ಎಂಬಲ್ಲಿ
ಜಾಗ್ರದಲ್ಲಿ ಸ್ಥೂಲತನು ಕಂಡು, ಸೂಕ್ಷ್ಮತನುವಿಗೆ ಹೇಳಿತೆ ಸ್ವಪ್ನವ?
ಆ ಸ್ವಪ್ನ ಕಾರಣತನುವಿನಲ್ಲಿ ಅಳಿಯಿತ್ತೆ ಕೂಡಿಕೊಂಡು?
ಕಟ್ಟಿಗೆಯ ಹಿಡಿಯಬಹುದಲ್ಲದೆ ಕೆಂಡವ ಹಿಡಿಯಬಹುದೆ?
ಕೆಂಡವ ಒಂದರಲ್ಲಿ ಬಂಧಿಸಿ ಹಿಡಿಯಬಹುದಲ್ಲದೆ
ಉರಿಯ ಬಂಧಿಸಿ ಹಿಡಿಯಬಹುದೆ?
ಆ ಉರಿ ಕೆಂಡದಲ್ಲಿ ಅಡಗಿ, ಕೆಂಡ ಕಾಷ್ಠದಲ್ಲಿ ಅಡಗಿ,
ಆ ಕಾಷ್ಠ ಆ ಕೆಂಡ ಉರಿಯ ದೆಸೆ, ಆ ಉರಿ ಕಾಷ್ಠದ ದೆಸೆ.
ಆ ಕಾಷ್ಠದಿಂದ ಕೆಂಡವಾಗಿ,
ಆ ಕೆಂಡಕ್ಕೆ ಪ್ರತಿರೂಪಿನಿಂದ ಉರಿ ಪಲ್ಲಯಿಸುವಂತೆ
ಇಂತೀ ಸ್ಥೂಲ ಸೂಕ್ಷ್ಮ ಕಾರಣ ತನುತ್ರಯದ ಭೇದ
ಸದ್ಯೋಜಾತಲಿಂಗವನರಿವುದಕ್ಕೆ.
Transliteration Sthūlatanuvinalli sūkṣmatanu ādhīnavāgippudanaridu
sūkṣmatanuvinalli kāraṇatanu
ādhīnavāgippudanaridu irabēku emballi
jāgradalli sthūlatanu kaṇḍu, sūkṣmatanuvige hēḷite svapnava?
Ā svapna kāraṇatanuvinalli aḷiyitte kūḍikoṇḍu?
Kaṭṭigeya hiḍiyabahudallade keṇḍava hiḍiyabahude?
Keṇḍava ondaralli bandhisi hiḍiyabahudallade
uriya bandhisi hiḍiyabahude?
Ā uri keṇḍadalli aḍagi, keṇḍa kāṣṭhadalli aḍagi,
ā kāṣṭha ā keṇḍa uriya dese, ā uri kāṣṭhada dese.
Ā kāṣṭhadinda keṇḍavāgi,
ā keṇḍakke pratirūpininda uri pallayisuvante
intī sthūla sūkṣma kāraṇa tanutrayada bhēda
sadyōjātaliṅgavanarivudakke.
