ಮರನನೇರದೆ ಹಣ್ಣು ಕೊಯ್ಯಬಹುದೆ?
ಕುಸುಮವಿಲ್ಲದೆ ಗಂಧವ ಮುಡಿಯಬಹುದೆ?
ಉಪದೃಷ್ಟವಿಲ್ಲದೆ ನಿಜದೃಷ್ಟವ ಕಾಣಬಹುದೆ?
ಕ್ರೀಶ್ರದ್ಧೆಯಿಲ್ಲದೆ ತ್ರಿವಿಧಕರ್ತೃ ತನಗೆ ಸಾಧ್ಯವಪ್ಪುದೆ?
ಇದು ಕಾರಣ ಗುರುವಿನಲ್ಲಿ ಸದ್ಭಾವ,
ಲಿಂಗದಲ್ಲಿ ಮೂರ್ತಿಧ್ಯಾನ,
ಜಂಗಮದಲ್ಲಿ ತ್ರಿವಿಧಮಲದೂರಸ್ಥನಾಗಿಪ್ಪುದು,
ಸದ್ಭಕ್ತನಂಗ, ಚಿದ್ಘನವಸ್ತುವಿನ ಸಂಗ,
ಸದ್ಯೋಜಾತಲಿಂಗಕ್ಕೆ ಸುಸಂಗ.
Transliteration Marananērade haṇṇu koyyabahude?
Kusumavillade gandhava muḍiyabahude?
Upadr̥ṣṭavillade nijadr̥ṣṭava kāṇabahude?
Krīśrad'dheyillade trividhakartr̥ tanage sādhyavappude?
Idu kāraṇa guruvinalli sadbhāva,
liṅgadalli mūrtidhyāna,
jaṅgamadalli trividhamaladūrasthanāgippudu,
sadbhaktanaṅga, cidghanavastuvina saṅga,
sadyōjātaliṅgakke susaṅga.
