ಅಹಿ ಕ್ರೂರಮೃಗಂಗಳೆಲ್ಲಕ್ಕೂ ಬಾಯಿಕಟ್ಟಿಂದ ಕಚ್ಚವು ಫಲಂಗಳ,
ಹೊಲದಲ್ಲಿದ್ದಡೂ ಆ ಹೊಲದ ಸೀಮೆಯ ಫಲವನೊಲ್ಲದ
ತೆರದಿಂದ ಕಡೆಯೆ ನಿಮ್ಮ ಹೊಲಬಿನ ಹೊಲ?
ಗುರುಭಕ್ತನಾದಡೆ ಗುರು ಆಜ್ಞೆ ತಪ್ಪದೆ
ಲಿಂಗಭಕ್ತನಾದಡೆ ಅರ್ಚನೆ, ಪೂಜನೆ,
ನಿತ್ಯ ನೇಮ ಕೃತ್ಯಂಗಳು ತಪ್ಪಡೆ,
ಜಂಗಮಭಕ್ತನಾದಡೆ ಆಪ್ಯಾಯನದ ಅನುವಿಷಯದ ಡಾವರ
ಆಶೆಯ ಪಾಶದ ಪರಿಭ್ರಮಣವನರಿತು,
ಸುಖಿಯಲ್ಲದೆ, ದುಃಖಿಯಲ್ಲದೆ ಬಂದಂತೆ ಬಾಯಿಗರೆಯದೆ,
ಕಂಡುದ ಬೇಡದೆ, ನಿಂದೆಗೆಡೆಗೊಡದೆ ನಿಜಲಿಂಗಾಂಗಿಯನರಿದು,
ಭಕ್ತಿಗೆ ಊಣಿಯವಿಲ್ಲದೆ ಅವರವರ ಒಪ್ಪಕ್ಕೆ ತಕ್ಕ ಚಿತ್ತವಿದ್ದು
ಮಾಡುತ್ತಿಪ್ಪ ಭಕ್ತನ ಬಾಗಿಲೆ
ಸದ್ಯೋಜಾತಲಿಂಗವ ಕಾಬುದಕ್ಕೆ ಕಾಹಿಲ್ಲದ ಪಥ.
Transliteration Ahi krūramr̥gaṅgaḷellakkū bāyikaṭṭinda kaccavu phalaṅgaḷa,
holadalliddaḍū ā holada sīmeya phalavanollada
teradinda kaḍeye nim'ma holabina hola?
Gurubhaktanādaḍe guru ājñe tappade
liṅgabhaktanādaḍe arcane, pūjane,
nitya nēma kr̥tyaṅgaḷu tappaḍe,
jaṅgamabhaktanādaḍe āpyāyanada anuviṣayada ḍāvara
Āśeya pāśada paribhramaṇavanaritu,
sukhiyallade, duḥkhiyallade bandante bāyigareyade,
kaṇḍuda bēḍade, nindegeḍegoḍade nijaliṅgāṅgiyanaridu,
bhaktige ūṇiyavillade avaravara oppakke takka cittaviddu
māḍuttippa bhaktana bāgile
sadyōjātaliṅgava kābudakke kāhillada patha.
