ಸರ್ಪನ ಸಲಹಿದಲ್ಲಿ, ಬೇರೆ ವಿಷವ ಸಲಹಲುಂಟೆ ?
ಸಸಿವೃಕ್ಷಂಗಳ ಸಲಹುವಲ್ಲಿ ಬೇರೆ ಫಲವ ಸಲಹಲುಂಟೆ ?
ಕ್ರೀ ನಿರ್ಧಾರವಾದಲ್ಲಿ, ಆಚಾರಕ್ಕೆ ಅಂಕುರ,
ಆಚಾರ ಅಂಕುರವಾದಲ್ಲಿ, ದಿವ್ಯಜ್ಞಾನ ಪಲ್ಲವಿಸಿತ್ತು.
ಆ ಪಲ್ಲವದ ಮರೆಯಲ್ಲಿ, ಪರತತ್ವ ವಸ್ತು ಫಲವಾಗಿ,
ಉಭಯದ ತೊಟ್ಟು ಹರಿದು ಬಿದ್ದ ಹಣ್ಣು, ಅಭೇದ್ಯ ಲಿಂಗಕ್ಕೆ ತೃಪ್ತಿಯಾಯಿತ್ತು.
ಇಂತೀ ಭಾವದ ಭ್ರಮೆಯ ಕಳೆದು, ಜೀವವಿಕಾರ ಹಿಂಗಿ,
ನಾ ನೀನೆಂಬ ಉಭಯದ ದೃಷ್ಟ ಏನೂ ಇಲ್ಲದೆ ನಿಂದುದು, ಪ್ರಾಣಲಿಂಗಸಬಂಧ.
ಆ ಸಂಬಂಧವ ಸ್ವೀಕರಿಸಿ ನಿಂದುದು ಪ್ರಾಣಲಿಂಗಿಯ ತೃಪ್ತಿ.
ಇಂತೀ ನಿಜದಲ್ಲಿ ತಾನು ತಾನಾಗಬಲ್ಲಡೆ, ಆತನೇ ಐಕ್ಯಾನುಭಾವಿ,
ನಿಃಕಳಂಕ ಮಲ್ಲಿಕಾರ್ಜುನಾ.
Transliteration (Vachana in Roman Script) Sarpana salahidalli, bēre viṣava salahaluṇṭe?
Sasivr̥kṣaṅgaḷa salahuvalli bēre phalava salahaluṇṭe?
Krī nirdhāravādalli, ācārakke aṅkura,
ācāra aṅkuravādalli, divyajñāna pallavisittu.
Ā pallavada mareyalli, paratatva vastu phalavāgi,
ubhayada toṭṭu haridu bidda haṇṇu, abhēdya liṅgakke tr̥ptiyāyittu.
Intī bhāvada bhrameya kaḷedu, jīvavikāra hiṅgi,
nā nīnemba ubhayada dr̥ṣṭa ēnū illade nindudu, prāṇaliṅgasabandha.
Ā sambandhava svīkarisi nindudu prāṇaliṅgiya tr̥pti.
Intī nijadalli tānu tānāgaballaḍe, ātanē aikyānubhāvi,
niḥkaḷaṅka mallikārjunā.
Read More
