ಎನ್ನ ವ್ರತದ ನೇಮ:
ಅಡಿ ಆಕಾಶದೊಳಗಾದ ವ್ರತಸ್ಥರು ಕೇಳಿರೆ.
ನಮ್ಮ ನಿಮ್ಮ ವ್ರತಕ್ಕೆ ಸಂಬಂಧವೇನು?
ಲೆಕ್ಕವಿಲ್ಲದ ವ್ರತ, ಕಟ್ಟಳೆಯಿಲ್ಲದ ನೇಮ,
ಇವನೆಷ್ಟು ಮಾಡಿದಡೆ ಏನು?
ತನ್ನ ಮನೆಗೆ ಕಟ್ಟಳೆ ಇರಬೇಕು.
ಎನ್ನ ಲಿಂಗವಂತೆಗೆ ಸೂತಕಮಾಸ ತಡೆದಲ್ಲಿ,
ಗರ್ಭವೆಂಬುದು ತಲೆದೋರಿದಲ್ಲಿಯೆ ಆತ್ಮ ಚೇತನಿಸುವನ್ನಕ್ಕ
ಆಕೆಯ ಉದರದ ಮೇಲೆ ನಿಹಿತ ಲಿಂಗವಿರಬೇಕು.
ನವಮಾಸ ತುಂಬಿ ಆಕೆಯ
ಗರ್ಭದಿಂದ ಉಭಯಜಾತತ್ವವಾಗಲಾಗಿ
ಚೇತನ ಬೇರಾದಲ್ಲಿ ಗುರುಕರಜಾತನ ಮಾಡಬೇಕು.
ಇಂತೀ ಇಷ್ಟರ ಕ್ರೀಯಲ್ಲಿ ಸಂತತ ವ್ರತ ಇರಬೇಕು.
ಕಂಥೆಯ ಬಿಡುವನ್ನಕ್ಕ ಶರಣರ ಕೈಯಲ್ಲಿ
ಅಂತಿಂತೆಂಬ ಶಂಕೆಯ ಹೊರಲಿಲ್ಲ.
ಇಂತೀ ವ್ರತದಲ್ಲಿ ನಿಶ್ಶಂಕನಾಗಬಲ್ಲಡೆ
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗದಲ್ಲಿ
ಸಮಶೀಲವಂತನೆಂಬೆ.
Transliteration Enna vratada nēma:
Aḍi ākāśadoḷagāda vratastharu kēḷire.
Nam'ma nim'ma vratakke sambandhavēnu?
Lekkavillada vrata, kaṭṭaḷeyillada nēma,
ivaneṣṭu māḍidaḍe ēnu?
Tanna manege kaṭṭaḷe irabēku.
Enna liṅgavantege sūtakamāsa taḍedalli,
garbhavembudu taledōridalliye ātma cētanisuvannakka
ākeya udarada mēle nihita liṅgavirabēku.
Navamāsa tumbi ākeya
Garbhadinda ubhayajātatvavāgalāgi
cētana bērādalli gurukarajātana māḍabēku.
Intī iṣṭara krīyalli santata vrata irabēku.
Kantheya biḍuvannakka śaraṇara kaiyalli
antintemba śaṅkeya horalilla.
Intī vratadalli niśśaṅkanāgaballaḍe
ācārave prāṇavāda rāmēśvaraliṅgadalli
samaśīlavantanembe.
