ಅರಿದಿಹೆನೆಂಬ ಅವಸ್ಥೆಯಿದ್ದಡೇನು? ಮತ್ತೆ
ಮರವೆಗೆ ಕಾರಣವಾದ ಸಂಸಾರದ ಕಾಯ
ಕಳವಳಕ್ಕೊಳಗಾದಡೆ ಮಾಯೆ ಮನವನೆಡೆಗೊಂಡಿತ್ತು.
ಮಾಯೆ ಮನವನೆಡೆಗೊಂಡಲ್ಲಿ ಅರಿವು ಜಾರಿತ್ತು.
ಮರಹು ಘನವಾಯಿತ್ತು. ಅರಿವುದಿನ್ನೇನು ಹೇಳಾ?.
ಕೈಯ ತುತ್ತು ಬಾಯ್ಗೆ ಬಾರದಂತಾಯ್ತು.
ಇನ್ನೆಲ್ಲಿಯದು ಲಿಂಗ? ಇನ್ನೆಲ್ಲಿಯದು ಜಂಗಮ?
ಇನ್ನೆಲ್ಲಿಯದು ಪ್ರಸಾದ?
ಅಕಟಕಟಾ ಹಾನಿಯ ಹಿಡಿದು ಹೀನವಾದರು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration (Vachana in Roman Script) Aridihenemba avastheyiddaḍēnu? Matte
maravege kāraṇavāda sansārada kāya
kaḷavaḷakkoḷagādaḍe māye manavaneḍegoṇḍittu.
Māye manavaneḍegoṇḍalli arivu jārittu.
Marahu ghanavāyittu. Arivudinnēnu hēḷā?.
Kaiya tuttu bāyge bāradantāytu.
Innelliyadu liṅga? Innelliyadu jaṅgama?
Innelliyadu prasāda?
Akaṭakaṭā hāniya hiḍidu hīnavādaru,
nijaguru svatantrasid'dhaliṅgēśvara.
Read More
