ಆದಿಬಿಂದು ಬೀಜವನರಿದು,
ಬಿಂದೋಪರಿ ಅನಾಹತನಾದವನರಿದು,
ಆ ಪ್ರಣವ ಸೂತ್ರವಿಡಿದು ಶಿವಧ್ಯಾನವ ಮಾಡಲು,
ಆ ಧ್ಯಾನಾಗ್ನಿಯಿಂದ, ಯೋಜನಾಂತರ ಶೈಲ ಸಮಾನಪಾಪ,
ಬೆಂದು ಹೋಹುದು ನೋಡಯ್ಯ.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನೆಂಬ,
ನಿಜಪದವಿಯನೈದುವುದು ಬಳಿಕ ನೋಡಯ್ಯ.
Transliteration Ādibindu bījavanaridu,
bindōpari anāhatanādavanaridu,
ā praṇava sūtraviḍidu śivadhyānava māḍalu,
ā dhyānāgniyinda, yōjanāntara śaila samānapāpa,
bendu hōhudu nōḍayya.
Nijaguru svatantrasid'dhaliṅgēśvaranemba,
nijapadaviyanaiduvudu baḷika nōḍayya.
