ಶಬ್ದವನು ಕಿವಿಗಳು ಬಲ್ಲವೆ? ಅರಿಯವು.
ಅಲ್ಲಿದ್ದ ಆಕಾಶ ತಾ ಬಲ್ಲುದೆ? ಅರಿಯದು.
ಸ್ಪರ್ಶನವ ತ್ವಕ್ಕು ಬಲ್ಲುದೆ? ಅರಿಯದು.
ಅಲ್ಲಿದ್ದ ವಾಯು ತಾ ಬಲ್ಲುದೆ? ಅರಿಯದು.
ರೂಪನು ಕಣ್ಣು ಬಲ್ಲುದೆ? ಅರಿಯದು.
ಅಲ್ಲಿದ್ದ ಅಗ್ನಿ ತಾ ಬಲ್ಲುದೆ? ಅರಿಯದು.
ಸ್ವಾದವನು ನಾಲಿಗೆ ಬಲ್ಲುದೆ? ಅರಿಯದು.
ಅಲ್ಲಿದ್ದ ಅಪ್ಪು ತಾ ಬಲ್ಲುದೆ? ಅರಿಯದು.
ಗಂಧವನು ಘ್ರಾಣ ಬಲ್ಲುದೆ? ಅರಿಯದು.
ಅವರಲ್ಲಿ ನಿಂದು, ವಿಷಯಂಗಳನು
ಭಕ್ತನ ಇಂದ್ರಿಯಂಗಳೊಡನೆ ಕೂಡಿ ಅರಿವಾತ ನೀನೇ.
ನೀನೆ ಭಕ್ತವತ್ಸಲ, ದಯಾನಿಧಿ,
ನಮ್ಮ ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು.
Transliteration Śabdavanu kivigaḷu ballave? Ariyavu.
Allidda ākāśa tā ballude? Ariyadu.
Sparśanava tvakku ballude? Ariyadu.
Allidda vāyu tā ballude? Ariyadu.
Rūpanu kaṇṇu ballude? Ariyadu.
Allidda agni tā ballude? Ariyadu.
Svādavanu nālige ballude? Ariyadu.
Allidda appu tā ballude? Ariyadu.
Gandhavanu ghrāṇa ballude? Ariyadu.
Avaralli nindu, viṣayaṅgaḷanu
bhaktana indriyaṅgaḷoḍane kūḍi arivāta nīnē.
Nīne bhaktavatsala, dayānidhi,
nam'ma nijaguru svatantrasid'dhaliṅgēśvaranu.
