ಇಂಬಾದ ಬ್ರಹ್ಮದಲ್ಲಿ ತುಂಬಿದ ಜಗವೆಲ್ಲಾ
ಸಂಭ್ರಮಿಸುತ್ತದೆ ಸಂಸಾರದಲ್ಲಿ.
ಕುಂಭದೊಳಗಣ ಸುಧೆಯನುಂಬ ಭೇದವನರಿಯದೆ
ಸುಂಬಳಗುರಿಯಂತಾದವು ಜಗವೆಲ್ಲವು.
ಒಂಭತ್ತುನಾಳದೊಳಗಣ ಮಧ್ಯನಾಳದ ಬೆಂಬಳಿಯಲ್ಲಿ
ಎಯ್ದಿದಾತಗೆ ಸುಧೆ ಸಾಧ್ಯವು.
ತೊಂಬತ್ತಾರು ಅಂಗುಲ ದೇಹವೆಲ್ಲವನೂ ತುಂಬುವುದು.
ಮತ್ತಂತು ಆ ಸುಧೆಯನು ಹಂಬಲಿಸಲೇಕೆ?
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ ಹಂಬಲವನು
ಬಿಡದಿರ್ದಡಾತ ಯೋಗಿ.
Transliteration Imbāda brahmadalli tumbida jagavellā
sambhramisuttade sansāradalli.
Kumbhadoḷagaṇa sudheyanumba bhēdavanariyade
sumbaḷaguriyantādavu jagavellavu.
Ombhattunāḷadoḷagaṇa madhyanāḷada bembaḷiyalli
eydidātage sudhe sādhyavu.
Tombattāru aṅgula dēhavellavanū tumbuvudu.
Mattantu ā sudheyanu hambalisalēke?
Nijaguru svatantrasid'dhaliṅgēśvarana hambalavanu
biḍadirdaḍāta yōgi.
