ಅಂಗದ ಮೇಲೆ ಲಿಂಗ ಬರಲಾಗಿ,
ಕಾಯದ ಗುಣವಳಿದು ಪ್ರಸಾದಕಾಯವಾಯಿತ್ತು.
ಲಿಂಗದ ನೆನಹು ನೆಲೆಗೊಂಡು ಮನ ಹಿಂಗದಿರಲು
ಮನದ ಮೇಲೆ ಪ್ರಸಾದ ನೆಲೆಗೊಂಡಿತ್ತು.
ಲಿಂಗದಲ್ಲಿ ಪ್ರಾಣರತಿಸುಖವಾವರಿಸಿತ್ತಾಗಿ
ಪ್ರಾಣದಲ್ಲಿ ಪ್ರಸಾದ ನೆಲೆಗೊಂಡಿತ್ತು.
ಸರ್ವೇಂದ್ರಿಯಂಗಳು ಲಿಂಗದಲ್ಲಿ ಸಾವಧಾನಿಗಳಾದ ಕಾರಣ
ಇಂದ್ರಿಯಂಗಳಲ್ಲಿಯೂ ಪ್ರಸಾದವೇ ನೆಲೆಗೊಂಡಿತ್ತು.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರಾ, ನಿಮ್ಮ ಶರಣಂಗೆ.
Transliteration Aṅgada mēle liṅga baralāgi,
kāyada guṇavaḷidu prasādakāyavāyittu.
Liṅgada nenahu nelegoṇḍu mana hiṅgadiralu
manada mēle prasāda nelegoṇḍittu.
Liṅgadalli prāṇaratisukhavāvarisittāgi
prāṇadalli prasāda nelegoṇḍittu.
Sarvēndriyaṅgaḷu liṅgadalli sāvadhānigaḷāda kāraṇa
indriyaṅgaḷalliyū prasādavē nelegoṇḍittu.
Nijaguru svatantrasid'dhaliṅgēśvarā, nim'ma śaraṇaṅge.
