ಹಲವು ಬಣ್ಣದ ಮೃಗದ ನೆಲೆಯನರಿದೆವೆಂದು
ಹಲಬರು ತಲೆವಾಲಗೆಟ್ಟರು ನೋಡಾ.
ಬಣ್ಣವ ಬೇರುಮಾಡಿದವಂಗಲ್ಲದೆ,
ಮೃಗದ ನೆಲೆಯ ಕಾಣಬಾರದು.
ಮೃಗದ ನೆಲೆಯ ಕಂಡರೇನು,
ಆ ಮರ್ಕಟನ ಕಾಟ ಬೆನ್ನ ಬಿಡದು.
ಆ ಮರ್ಕಟನ ಹಿಡಿದು
ಶೂಲಕ್ಕೆ ಹಾಕಿದ ಬಳಿಕ ನಿಶ್ಚಿಂತೆಯಹುದು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ
ನಿಜ ಪದವನೆಯ್ದುವಂಗೆ.
Transliteration Halavu baṇṇada mr̥gada neleyanaridevendu
halabaru talevālageṭṭaru nōḍā.
Baṇṇava bērumāḍidavaṅgallade,
mr̥gada neleya kāṇabāradu.
Mr̥gada neleya kaṇḍarēnu,
ā markaṭana kāṭa benna biḍadu.
Ā markaṭana hiḍidu
śūlakke hākida baḷika niścinteyahudu,
nijaguru svatantrasid'dhaliṅgēśvarana
nija padavaneyduvaṅge.
