ಸರ್ವಾಂಗವು ಲಿಂಗಸಂಗವಾಗಿ,
ಲಿಂಗ ಸರ್ವಾಂಗಸಂಗವಾಗಿ,
ಪ್ರಾಣ ಲಿಂಗದಲ್ಲಿ ಸಂಗವಾಗಿ,
ಲಿಂಗ ಪ್ರಾಣದಲ್ಲಿ ಸಂಗವಾಗಿ,
ಸಕಲೇಂದ್ರಿಯಂಗಳು ಲಿಂಗಸಂಗವಾಗಿ,
ಲಿಂಗ ಸಕಲೇಂದ್ರಿಯಂಗಳಲ್ಲಿ ಸಂಗವಾಗಿ,
ಮನ ಲಿಂಗಸನ್ನಿಹಿತವಾಗಿ, ಲಿಂಗ ಮನಸನ್ನಿಹಿತವಾಗಿ,
ಸಮರಸ ಸದ್ಭಾವಿಯಾದ ಶರಣನೆ ಲಿಂಗವು
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರಾ.
Transliteration Sarvāṅgavu liṅgasaṅgavāgi,
liṅga sarvāṅgasaṅgavāgi,
prāṇa liṅgadalli saṅgavāgi,
liṅga prāṇadalli saṅgavāgi,
sakalēndriyaṅgaḷu liṅgasaṅgavāgi,
liṅga sakalēndriyaṅgaḷalli saṅgavāgi,
mana liṅgasannihitavāgi, liṅga manasannihitavāgi,
samarasa sadbhāviyāda śaraṇane liṅgavu
nijaguru svatantrasid'dhaliṅgēśvarā.
