ಜಾಗ್ರತ್ ಸ್ವಪ್ನ ಸುಷುಪ್ತಿ ಎಂಬ ತ್ರಿವಿಧಾವಸ್ಥೆಯೊಳಗೆ,
ತುರ್ಯ ತುರ್ಯಾತೀತ ಸಹಜಾವಸ್ಥೆ ಎಂಬ
ಮೂರು ಕೂಡಿ ಯೋಗಿಸುವ ಯೋಗಿಗೆ,
ಸಾಲಂಬ ನಿರಾಲಂಬದೊಳಗೆ ಅಡಗಿ
ಆ ನಿರಾಲಂಬದ ನಿಶ್ಚಿಂತ ನಿವಾಸದಲ್ಲಿ
ಆತ್ಮ ಪರಮಾತ್ಮರೊಂದಾದ ಬಳಿಕ
ಅನಂತ ಸಚರಾಚರ ಒಂದು ಕಿಂಚಿತ್ತು.
ಚತುರ್ಮುಖ ಇಂದ್ರ ವಿಷ್ಣುವೆಂಬವರ ಪದ ಒಂದು ಕಿಂಚಿತ್ತು.
ಇನ್ನುಳಿದವರ ಹೇಳಲಿಲ್ಲ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ
ಶರಣಂಗೆ ಹಿರಿದೊಂದಿಲ್ಲ.
Transliteration Jāgrat svapna suṣupti emba trividhāvastheyoḷage,
turya turyātīta sahajāvasthe emba
mūru kūḍi yōgisuva yōgige,
sālamba nirālambadoḷage aḍagi
ā nirālambada niścinta nivāsadalli
ātma paramātmarondāda baḷika
ananta sacarācara ondu kin̄cittu.
Caturmukha indra viṣṇuvembavara pada ondu kin̄cittu.
Innuḷidavara hēḷalilla,
nijaguru svatantrasid'dhaliṅgēśvarana
śaraṇaṅge hiridondilla.
